هرات یشاوچیلری و فرهنگی‌لریدن قطاری اوشبو ولایت تاریخی آبده‌لری ویران بولگنیدن خواطربیلدیریب ایتیشلریچه، بو تاریخی بنالر نینگ ۶۰ فایزی بوزیلگن دیر، اولرگه کوره، بو توغریده دقت قیلنمه‌گن صورتده اوشبو ولایتده‌گی تاریخی آبده‌لر بوتونلی اورته‌دن کیتیشی ممکن.
اولر تاریخی آثار و آبده‌لرنی مملکت نینگ هویتی عنوان قیلیب، مذکور ولایت مسئوللریدن اوشبو تاریخی و باستانی بنالردن حفاظت قیلیش‌لرینی سوره‌گنلر.
بیزلرنینگ فیسبوک صحیفه‌میزگه باش اورینگ!
هرات ولایتی فرهنگی‌لریدن بیری همایون احمدی نینگ ایتیشیچه: «هرات نینگ تاریخی بنالری هردایم قوللش حالتیگه قرار تاپگن، اوشبو ولایت اطرافی‌گه قرار تاپگن، کتته – کیچیک قلعه‌لر، شونینگدیک مصلا قلعه‌سیدن توتیب تا اختیار الدین قلعه‌‌سی گچه اوروش‌لردن زیان کورگن، و قوللش عرفه‌سیگه قرار تاپگن دیر.»
هرات یشاوچی‌لریدن بیری محمد عزیزی نینگ ایتیشیچه، حکومت نینگ تاریخی و باستانی بنالردن حفاظت قیلیشی درکار. او نینگ کوپه‌یتیریشیچه، تاریخی آبده‌لر هر بیر مملکت نینگ هویتی و ولایت نینگ بیلگیسی دیر که اونگه توجه قیلیش کیره‌ک.
بیزلرنینگ توییترده هم تعقیب قیلینگ!
شونینگدیک هرات ولایتی معلومات و مدنیت ریاستی نینگ تاریخی آبده‌لردن حفاظت ایتوچی اداره‌سی نینگ آمری زلمی صفا گه کوره، اوشبو ولایت نینگ تاریخی آبده‌لریدن ۳۰ فایزی قوللش عرفه‌سیده قرار تاپگن دیر.
شونده‌ی بیرحالده، هرات ولایتی نینگ معلومات ومدنیت ریاست باشلیغی نعیم‌الحق حقانی نینگ ایتیشیچه، اسلامی امارت اوشبو ولایت تاریخی آبده‌لرنی تعمیرلش و حفاظت قیلیش اوچون اونملی برنامه‌لرنی قول آستیگه آلگن دیر.
هرات ولایتی نینگ ۷۸۰ تاریخی و باستانی آبده‌سی بار که اولردن قطاری آهسته- سیکین قوله ماقده دیر.
عین‌حالده، هرات یشاوچیلری و فرهنگی‌لریدن قطاری نینگ ایتیشلریچه، اوتگن ییللرده ایچکی و تشقی مملکت‌لر مقا‌م‌لری اوشبو ولایت تاریخی آبده‌لری نینگ ارزشی اوستیگه تأکید قیلگن‌لر؛ بیراق بو تاریخی آبده‌لرنی قیته قوریش و حفاظت قیلیش اوچون هیچ قنده‌ی توجه قیلمه‌گن‌لر.
