داعش گروهی خراسان بولیمی، پنجشنبه کونی، ۱۸ جوزا، بدخشان ولایتی مقامی اورین باسری و سرپرستی نثاراحمد احمدی نینگ فاتحهخوانلیک مراسمیده اویوشتیریلگن خودکش هجوم مسئولیتینی تن آلگن.
جمعه کونی، ۱۹ جوزا، رویترز آژانسی، داعش گروهی بیانیهسیدن نقل قیلیب اوشبو خبرنی ترقهتگن. داعش اوشبو هجوم مذکور گروه اعضالری تامانیدن اویوشتیریلگنینی ادعا قیلگن.
بیزلرنینگ فیسبوک صحیفهمیزگه باش اورینگ!
اوتگن هفته پنجشنبه کونی توش دن آلدین ساعت ۱۱:۰۰ اطرافی ده، بدخشان مرکزی فیضآباد ینگی شهری حصهی اول حدودلری گه قرهشلی «نبوی مسجدی» ده خودکش هجوم یوز بیردی.
بدخشان معلومات و مدنیت باشلیغی معزالدین احمدی نینگ ایتیشیچه، مذکور خودکش هجوم عاقبتیده بغلان سابق امنیه قوماندانی صفیالله صمیم شامل ۱۳ کیشی هلاک بولیب و باشقه ۳۰ دن آرتیق کیشی یرهلنگنلر.
بیزلرنینگ توییترده هم تعقیب قیلینگ!
ایتیش کیرهک که، بدخشان مقامی اورین باسری و سرپرستی نثاراحمد احمدی، سهشنبه کونی، ۱۶ جوزا، داعش گروهی مسئولیتینی تن آلگن خودکش هجوم ده، هلاک بولدی.