داعش گروهی خراسان بولیمی، تلگرامی ده ترقه‌تگن بیانیه‌سیده، بدخشان ولایتی حاکمی اورین باسری و سرپرستی نثاراحمد احمدی اولدیریلیش مسئولیتینی تن آلگن. مذکور گروه نینگ یازیشیچه: «اسلامی دولت مبارزلری بمب ییرلشتیریلگن بیر موتر نی فیض‌آباد شهری ده بدخشان حاکمی اورین باسری موتری یقینیده پارتله‌تیشگه اولگوردیلر.»
بیزلرنینگ فیسبوک صحیفه‌میزگه باش اورینگ!
اوشبو پارتلش، سه‌شنبه کونی، ۱۶ جوزا، ایرته‌لب ساعت ۸:۱۵ اطرافی ده، اوشبو ولایت مرکزی فیض‌آباد ینگی شهری حدودلری محکمه تورت یولیده یوز بیردی. بدخشان معلومات و مدنیت باشلیغی معزالدین احمدی نینگ ایتیشیچه، بدخشان حاکمی اورین باسری نثاراحمد احمدی نینگ موتری ده اویوشتیریلگن پارتلش ده ولایت حاکمی اورین باسری شامل ایکی کیشی هلاک بولیب و باشقه آلتی کیشی یره‌لنگن.
اونگه کوره، واقعه طفیلی یره‌لنگنلر ولایتی کسلخانه گه انتقال بیریلگن و امنیتی کوچلر واقعه گه دایر تیکشیریش‌لرینی باشلشگن.
بیزلرنینگ توییترده هم تعقیب قیلینگ!
ایتیش کیره‌ک که، نیچه آی آلدین بدخشان امنیه قوماندانی عبدالحق ابوعمر، اوشبو ولایت ده اویوشتیریلگن مذکور حادثه کبی پارتلش ده هلاک بولگن ایدی.
