قندوز ولایتینینگ ساغلیقنی سقلش ریاستی مسئوللری، اوشبو ولایتده ۳۰ بسترلیک بیر ساغلیق مرکزی آچیلگنیدن خبر بیردیلر.
قندوز ساغلیقنی سقلش باشلیغی محمدالله حکمتنینگ ایتیشیچه، اوشبو ساغلیق مرکزی ۱۸ آی ایچیده دشت ارچی تومنیده قوریلگن بولیب، بالهلر ایچکی کسللیکلری، نسایی-ولادی همده عمومی جراحلیک بولیملریده خذمت کورستهدی.
حکمتنینگ کوپهیتیریشیچه، اوشبو مرکزنینگ قوریلیشی و طبی اوسکونهلرنی تیارلش اوچون ۵۴۵ مینگ دالر صرفلنگن بولیب، بیرلشگن ملتلر تشکیلاتینینگ قاچقینلر بوییچه عالی کمیسارلیگی تامانیدن تولنگن.
افغانستاننینگ تومنلری و اوزاق حدودلریده طبی مرکزلر آزلیگی و معیاری طبی خذمت کورسهتیلمسلیک، هنوز هم اهالینینگ جدی قیینچیلیکلریدن سنلهدی.
