بیرلشگن ملتلر تشکیلاتینینگ انسانسیورلیک یاردملرینی موافقلشتیروچی ادارهسی افغانستان بولیمی (اوچا)، ۵ میلیون ۳۰۰ مینگ کیشی، دهقانچیلیک بولیمیده فوقالعاده یاردم آلیشدن محروم قالگنینی ایتگن.
اوشبو نهاد، بوگون (۲۹ سنبله/۲۰ سپتمبر، یکشنبه) ایکس اجتماعی ترماغیده یازیشیچه، بو دهقانلر بودجه آزلیگی طفیلی مذکور خذمتلردن محروم قالگنلر.
اوچانینگ کوپهیتیریشیچه، جاری ییلده دهقانچیلیک بولیمیده خذمت کورستیش اوچون ۶ میلیون ۶۸۰ مینگ کیشی بیلگیلنگن ایدی که اولردن فقط ۲۱ فایزیگه یاردم بیرهدی.
بیرلشگن ملتلر تشکیلاتیگه تیگیشلی اوشبو نهاد اوتگن هفته، جاری میلادی ییللده ضروری یاردملر کورستیش اوچون سورهلگن بیرمیلیارد ۷۱۰ میلیون دالردن، ۵۰۹ میلیون ۳۰۰ مینگ دالری تأمینلنگنینی اعلان قیلگن ایدی.
اسلام امیرلیگی اقتصاد وزیرلیگی بوندن آلدین، ینگی بنالر قوریلیشی، رواجلنیش لایحهلرنی عملگه آشیریش، عمومی سرمایه کیریتیش، ایش اورینلرینی یرهتیش و تشقی سرمایهلرنی جلب قیلیش بیلن، افغانستاننینگ تشقی یاردملرگه قرهملیگینی کمهیتیریشگه اینتیلیشینی ایتگن ایدی.
