یونانده ییریک اورمان یانغینینی اوچشیریش ایشلری وقتیده ایکی یانغین اوچیروچی تیکاوچر هواده توقنشیب کیتگن.
ییتکرمهلرنینگ معلوماتیگه کوره، یونانده ییریک اورمان یانغینینی اوچیریش پیتیده ایکی تیکاوچر توقنشگن و اونینگ نتیجهسیده ایکی کیشی هلاک بولگن.
معلوماتلر گه کوره، هلاک بولگنلردن بیری یونان، ایکینچیسی دنمارک فقراسی بولگن. شونینگدیک ایکینچی تیکاوچرده بولگن یونان و بریتانیا فقرالری ایسه آمان قالگن. توقنشوو سببلری یوزهسیدن تیرگاو آلیب باریلهیاتگنی ایتیلگن.
حادثه آتن شمالی-غربیده جایلشگن آتیکا منطقهسیدهگی پساتا حدودیده صادر بولگن. بو ییردهگی ییریک اورمان یانغینی ۱۰۰ دن آرتیق اوینی بوزگن. یانغین طفیلی کفالونیا سیاحلیک آرالیدهگی بیر نیچته یشش حدودلری هم بوشهتیلگن.
ایسلهتیب اوتهمیز، اولراق اروپاده بیر نیچه کوندن بویان اورمان یانغینلری دوام ایتماقده. فرانسه و اسپانیادهگی اینگ کوچلی یانغینلر عاقبتیده حدودلردن بوشهتیلگنلرنینگ عمومی سانی ۳۰۰ مینگ کیشیدن آشگن.
