امریکا اردوسینینگ AH-64 آپاچی جنگاور تیکاوچری هرمز بوغوزی حدودیده قولب توشگن.
معلوماتلر گه کوره، اوشبو تیکاوچر ایران کوچلری تامانیدن اوریب توشیریلگنمی یا کی تخنیک سبب قولهگنمی، هنوزگچه انیق ایمس.
بو تیکاوچر، ۱۸ جوزا/۸ جون، دوشنبه کونی قولب توشگن و ایکی پیلوتی آمان قالگن و حادثه یوزهسیدن تیرگاو آلیب باریلماقدهلیگی ایتیلگن.
آپاچی تیکاوچری امریکا و ناتو دولتلرینینگ اساسی ضربه بیروچی تیکاوچرلریدن بیری حسابلنهدی. او زرهلی تخنیکهلرنی یوق قیلیش، هوا هجومیدن مدافعه تیزیملرینی باستیریش همده قوروقلیکدهگی قوشینلرنی قوللب-قوتلش اوچون مولجللنگن.
بو تیکاوچر، ۳۰ ملیمترلی اتوماتیک توپ، یوقاری انیقلیکدهگی راکتهلر و کوچلی زره بیلن جهازلنگن.
اوشبو حادثه، اوتگن کون ایرتهلب ایران و اسرائیل بیر-بیریگه قرشی هجوم اویوشتیریش و سونگی کونلرده منطقهدهگی کیسکینلیکلر کمهیگن بیر حالده، یوز بیرگن. امریکا عملدارلری بوتوغریده حاضرگچه فکر-ملاحظه بیلدیرمهگن.
