بیرلشگن ملتلر تشکیلاتی باشکاتبی آنتونیو گوترش، دمشققه قیلگن سفریده سوریه جمهور باشلیغی احمدالشرع بیلن اوچرهشیب، بو مملکتنی قیته تیکلش و سیاسی اوتیش جریانینی قوللب-قوتلش اوچون بیرلشگن ملتلر تشکیلاتی و سوریه آرهسیده همکارلیک کوچهیشی یوللری حقیده صحبت قیلگن.
بیرلشگن ملتلر تشکیلاتی سوزلاوچیسی ادارهسینینگ بوگون (۴-اسد/۲۶-جولای، یکشنبه)، بیر بیانیه ترقهتیش بیلن اعلام قیلیشیچه، گوترش بو اوچرهشووده سوریهنینگ سیاسی اوتیش جریانیده قولگه کیلگن یوتوقلرنی خوش قرشیلهگن.
بیانیه اساسیده، بیرلشگن ملتلر تشکیلاتی باش کاتبی، برچه تامانلرنینگ کینگ اشتراکی آرقهلی سیاسی اوتیش جریانینی تیزلشتیریش ضرورلیگیگه تاکیدلهب و بو جریاننینگ سوریه یشاوچیلریدن برچهسی اوچون تینچ، یخشی و برقرار بیر مملکتنینگ یرهتیشیگه سبب بولیشی کیرهک دیگن.
شونینگدیک گوترش، ینه بیر مرته سوریه حاکمیتی، مستقللیگی و بیردملیگی بوییچه بیرلشگن ملتلر تشکیلاتینینگ تعهدیگه تاکید قیلگن.
آنتونیو گوترش، شنبه کونی سوریه رسمیلری بیلن اوچرهشیش و صحبت قیلیش مقصد، دمشق باردی. بو اوتگن ۱۷ ییلده بیرلشگن ملتلر تشکیلاتی باش کاتبینینگ ایلک سفری حسابلنهدی.
