اسلامی امارت تشقی ایشلر وزیرلیگی بیر اعلامیه ترقه‌تیب ایتگن دیرکه اوشبو وزیرلیک سرپرستی ایران تشقی ایشلر وزیری حسین امیر عبداللهیان بیلن تیلفونی صحبت قیلگن.
اعلامیه‌ده کیلیشیچه، اوشبو سوزلشووده ایرانده افغان مهاجرلری نینگ قیینچیلیکلری، سونگی واقعه‌لر، ایکی تامانلمه دیپلوماتیک رابطه‌لر، سوداگرلیک و اقتصادی موضوع‌لر توغریسیده بحث قیلینگن دیر.
بیزلرنینگ فیسبوک صحیفه‌میزگه باش اورینگ!
شونینگدیک امیرخان متقی، کیله‌سی کونلرده اسلامی امارت هیأتی افغان مهاجرلری نینگ قیینچیلکلرینی حل قیلیش اوچون ایران‌گه سفر قیلیشینی ایتگن.
ایکی تامان نینگ تأکیدلشیچه «بیرقطار مغرض حلقه‌لر ایران و افغانستان یشاوچیلری اورته‌سیده نفرت ایجاد قیلیش اوچون سعی و حرکت قیلماقده‌لر.» اعلامیه اساسیده، اوشبو قیینچیلیکلرنی آلدینی آلیش اوچون ایکی تامان تعهد قیلگنلرکه هیچ کیشیگه رخصت بیرمه‌یدیلر تا بولسه کیم ایکی دوست و قوشنی مملکت اورته‌سیگه یامانلیک و فاصله ایجاد قیلسه‌لر.
شونده بیرحالده، ایران تشقی ایشلر وزیری اسلامی امارت رهبری نینگ بنگوار ماده‌لر ایکیلیشی و ساتیلیشینی منع قیلیش توغریسیده بیرگن بویروغی‌نی خوش قرشی‌لب و اوشبو ماده اورنیده ایکیش بدیلینی دهقانلرگه فراهم قیلیش خصوصیده همکارلیک قیلیش وعده‌سی نی بیرگن.
اوشبو سوزله‌شو شونده‌ی بیرحالده، صورت تاپگن دیرکه سونگی کونلرده ایران حربی کوچلری آرقه‌لی افغان مهاجرلری کلتک‌لنگنلریگه دایر اجتماعی ترماقلرده قول-مه قول بولگن ویدیولر کوپینچه عکس‌العمل‌لرگه سبب بولدی. کابل، هرات، خوست و باشقه بیر قطار ولایت یشاوچیلری ایران کوچلری نینگ افغان مهاجرلری بیلن قیلگن قوپال مناسبت‌لریگه قرشی اعتراض بیلدیرگنلر.
بیزلرنینگ توییترده هم تعقیب قیلینگ!
شونینگدیک اوشبو ناراضی‌لیک نمایش‌لرگه قرشی ایران تشقی ایشلر وزیرلیگی، افغانستان نینگ تهران‌ده‌گی ایلچیخانه کاردارینی چقیرگنینی اعلام قیلگن.
شونده‌ی بیرحالده ایران نینگ کابلده‌گی ایلیچیخانه‌سی بیر بیانیه ترقه‌تیب ایتگن دیرکه ایکی مملکت اورته‌سیده‌گی رابطه‌لرنی بوزیش اوچون «فتنه و توطئه» اویوشتیریلماقده.
اعلامیه‌ده کیلیشیچه، افغان مهاجرلری نینگ کلتک‌لنیشیگه دایر اجتماعی ترماقلرده ترقه‌لگن ویدیولر، ایکی مملکت اورته‌سیده‌گی مناسبتلرنی اورته‌دن ایلتیش اوچون ریجه اساسیده ترقه‌لگن.
