جوزجان ده افغان_تورک صحت طفل کسلخانه‌سی مسئوللری نینگ ایتیشلریچه، اوشبو ییل ده مذکور ولایت ده توییب آوقاتلنمسلیککه چلینگن باله‌لر سانی ۲۰ فایز گه آشگن. اولر نینگ ایشانچی گه کوره، عایله‌لر نینگ اقتصادی قیینچیلیگی باعث توییب آوقاتلنمسلیککه چلینگن باله‌لر سانی کوپه‌یگن.
جوزجان افغان_تورک صحت طفل کسلخانه‌سی اورین باسری فریدون مرتضا نینگ ایتیشیچه: «مراجعتچیلر سانی گه قره‌گنده، اوتگن ییل گه نسبتن بو ییل توییب آوقاتلنمسلیککه چلینگن‌لر سانی ۲۰ فایز گه آشگن.» اونگه کوره، افغان_تورک صحت طفل کسلخانه‌سی زمانه‌وی امکانیت‌لر بیلن جهازلنگنی طفیلی سرپل، فاریاب، بادغیس و بلخ ولایت‌لری نینگ اهالیسی، توییب آوقاتلنمسلیککه چلینگن باله‌لرینی دوالش اوچون اوشبو کسلخانه گه آلیب کیله‌دیلر.
بیزلرنینگ فیسبوک صحیفه‌میزگه باش اورینگ!
عین‌حالده، توییب آوقاتلنمسلیککه چلینگن باله‌لرینی دوالش اوچون، جوزجان ده افغان_تورک صحت طفل کسخانه‌سی گه آلیب کیلگن کسل‌دارلردن بیرقطاری، سرپرست حکومت و یاردم بیرووچی نهادلردن، باله‌لری توییب آوقاتلنمسلیککه چلینمسلیگی اوچون وقتیده اولر گه یاردم بیریش‌لرینی سوره‌یدیلر.
جوزجان‌لیک گل‌دسته، توییب آوقاتلنمسلیککه چلینگن باله‌سینی درمانلش اوچون افغان_تورک صحت طفل کسخانه‌سی گه آلیب کیلگن ایتیشیچه: «بالم اوچ آی دن بیری قوسیب و ایچکیتمه دیر. توییب آوقاتلنمسلیککه چلینگن. وقتیده دواله‌ی آلمه‌دیک. بیر آی اوی ده ایدی و نهایت مجبور بولیب کسلخانه گه آلیب کیلیب بستری قیلدیک.»
جوزجان یشاوچیسی حکمت‌الله گه کوره، اقتصادی قیینچیلیک باعث عایله اعضالری نینگ احتیاج‌لرینی ییترلیچه تأمینله‌ی آلمه‌گن و نهایت باله‌لری توییب آوقاتلنمسلیککه چلینگن. او نینگ ایتیشیچه: «ایکی ایگیزک بالم امکانیت و مالی منبع یوق‌لیگی باعث توییب آوقاتلنمسلیککه چلیندی.»
بیزلرنینگ توییترده هم تعقیب قیلینگ!
جوزجان ساغلیق‌نی سقلش ریاستی مسئوللری نینگ ایتیشلریچه، جوزجان افغان_تورک صحت طفل کسلخانه‌سیده توییب آوقاتلنمسلیککه چلینگن باله‌لر اوچون ۱۹۳ بستهکوچه‌یتیریش ییگولیک ماده آلیب کیلیشگن.
جوزجان ساغلیق‌نی سقلش ریاستی اورین باسری عبدالواسع قیومی نینگ ایتیشیچه: «اوشبو ییگولیک ماده‌لر جوزجان ده فعالیتی بولگن مدیریتی تیم و باشقه قطار سیار تیم‌لر تامانیدن ییغیلگن. ۱۹۳ بسته دیر، رسمی روشده افغان_تورک صحت طفل کسلخانه‌سیگه تاپشیرگن‌میز.»
عایله‌لر نینگ آگاهی‌سیزلیگی و سونگی ییل‌لرده ایش‌سیزلر سانی کوپه‌یشی بیلن، توییب آوقاتلنمسلیککه چلینگن باله‌لر سانی کوپه‌یب و اولردن بیرقطاری اولیم خوفی بولگن دوچ بولگنلر.
