فاریاب ده ساغلیق‌نی سقلش مسئوللری نینگ ایتیشلریچه، اوتگن ییل گه نسبتن اوشبو ولایت ده توییب آوقاتلنمسلیککه چلینگن باله‌لر سانی ۱۵ فایز گه آشگن.
فاریاب ده «کف» مؤسسه‌سی نینگ توییب آوقاتلنیش بولیمی و ساغلیک برنامه‌لرنی هماهنگ قیلووچی مسئوللری نینگ سلام‌وطندار گه ایتیشلریچه، اوشبو ییل ده توییب آوقاتلنمسلیککه چلینگن ۱۲ باله وفات ایتگن.
بیزلرنینگ فیسبوک صحیفه‌میزگه باش اورینگ!
فاریاب ده «کف» مؤسسه‌سی توییب آوقاتلنیش بولیمی مسئولی بشیر ظریف نینگ ایتیشیچه، مذکور ولایت ده اوتگن بیر ییل ده بیش یاشنی تولدیرمه‌گن ۸۵۴ مینگ باله ساغلیک مرکزلریده توییب آوقاتلنیش برنامه‌لری گه شامل بولگنلر.
او نینگ کوپه‌یتیریشیچه: «۱۷۰ مینگ ۹۹۴ باله آغیر و اورته توییب آوقاتلنمسلیککه چلینگن، اولر ارا ۴۷ مینگ ۸۸۳ باله اورته توییب آوقاتلنیش دستوری گه شامل بولگن و ۵۳ مینگ ۷۷۱ باله آغیر توییب آوقاتلنمسلیککه چلینگن، اولر ارا ۱۴ مینگ ۹۴۴ باله توییب آوقاتلنیش پروگرام‌لری گه شامل بولگنلر.»
عین‌حالده، فاریاب یشاوچیلریدن بیرقطاری نینگ ایتیشلریچه، کمبغل‌لیک و اقتصادی قیینچیلیک باعث حامله عیاللر و چقه‌لاق‌لری توییب آوقاتلنمسلیککه چلینگن.
فاریاب یشاوچیسی و توییب آوقاتلنمسلیککه چلینگن جمال‌الدین نینگ سلام‌وطندار گه ایتیشیچه: «شفاکارلر یخشی خذمت و شفقت کورسته‌دیلر، بیراق اولر بو ییرده امکانیت یوق‌لیگینی ایته‌دیلر، برچه نرسه‌نی بازار دن ساتیب آله‌میز، هر کونی بازار دن ۷۸۰ افغانی گه دارو ساتیب آله‌میز.»
بیزلرنینگ توییترده هم تعقیب قیلینگ!
شونینگدیک، فاریاب یشاوچیسی و باله‌سی توییب آوقاتلنمسلیککه چلینگن گل‌پری گه کوره: «قیزیم دیر، توییب آوقاتلنمسلیک بولیمیده بستری قیلدیک، ایسیتمه‌سی بار و قوسه‌دی، اول دن کوره حاضر احوالی یخشی دیر.»
عین‌حالده، فاریاب حوزه‌وی کسلخانه‌سی مسئوللری نینگ ایتیشلریچه، اختیارلری گه برچه طبی امکانیت موجود و کسل‌لر گه تیکین روشده بیریشماقده؛ بیراق کسل‌لر اوشبو کسلخانه ده دارو و بستر یوق‌لیگیدن شکایت قیله‌دیلر.
