جوزجان ملکی خذمت‌لر و اداری اصلاحاتیده بیرینچی مرته الکترونیکی سیناو مرکزی، محلی مسوول‌لر حضوری بیلن آچیلدی.
افغانستان بوییچه ملکی خذمت‌لر و اداره‌لرگه اصلاحات کیلتیریش ایرکین کمیسیونی کمیشنری عالیه یلماز نینگ ایتیشیچه، سیناو پروسه‌سیده تینیق‌لیک و عدالت‌نی تامین قیلیش مقصد ده سیناو جریانی‌نی الکترونیکی قیلگن‌لر.
ملکی خذمت‌لر و اداره‌گه اصلاحات کیلتیریش ایرکین کمیسیونی کمیشنری نینگ ایتیشیچه، اوشبو سیستم سهولت و سرعت ایجاد قیلگنی چیککه‌سیده، تقاضاچی‌لرنینگ ایشانچی‌نی کوپه‌یتیره‌دی.
خانم یلماز نینگ کوپه‌یتیریشیچه، اوشبو سیستم نینگ قوریلیشی انسانی دخالت‌لرگه توسیق بولیب و شفافیت رقمی‌نی یوقاری ایلته‌دی.
عین‌حالده، جوزجان محلی مسوول‌لری، بو سیستم نینگ قوریلیشی‌نی اونملی عنوان قیلیب و یاش‌لری نینگ ایستک‌لری عملگه آشیریلیشی خصوصیده تاثیر قویه‌دی دیدیلر.
جوزجان حاکمی اورین باسری عبدالقادر مالیه نینگ ایتیشیچه، الکترونیکی سیستم قوریلیشی شفافیت و اداری فسادگه قرشی کوره‌شیش اوچون اونملی دیر.
جوزجان حاکمی اورین باسری‌گه کوره، الکترونیکی سیستم ایجاد ایتیلیشی، شایسته سالارلیک و شهروند محورلیک تامان باریش دیر و بوندن سونگ، تقاضاچی‌لر اوز استعدادلری اساسیگه تعیین لنه‌دی.
شونینگدیک، الکترونیکی سیستم قوریلیشی اوچون یولگه قوییلگن مراسمده اشتراک قیلگنلردن بیرقطاری نینگ ایتیش‌لریچه، اوشبو سیستم سهولت چیککه‌سیده، تینیق‌لیکنی هم تامین قیله‌دی.
ایتیلیشیچه، اوشبو مرکز آچیلگنیدن سونگ، مملکت تانیقلی شاعرلریدن بولمیش نادره بیگم نامیده مسما بولگن.
