غور ولایتی کسلخانه‌سیده توییب آوقات‌لنمسلیک بولیم مسئولی عیدی‌ماه سلطانی نینگ سلام‌وطندار گه ایتیشیچه، ۲۰۲۲_ییل ده توییب آوقات‌لنمسلیککه چلینگن ۱۰ دن آرتیق آنه و ۴۰ باله هلاک بولگنلر.
خانم سلطانی گه کوره، هر کونی توییب آوقات‌لنمسلیککه چلینگن ۲۰۰ و ۳۰۰ باله و آنه، اوشبو کسلخانه گه مراجعت قیله‌دیلر که اوتگن ییل‌لر گه نسبتن کوپه‌یشنی کورسته‌دی.
اونینگ ایتیشیچه: «اوتگن ییل‌لرده اون دن آرتیق آنه قربان بولگن؛ شونینگدیک ۴۲ باله توییب آوقات‌لنمسلیککه چلینگن.»
بیزلرنینگ فیسبوک صحیفه‌میزگه باش اورینگ!
خانم سلطانی نینگ کوپه‌یتیریشیچه، غور ولایتی کسلخانه‌سی توییب آوقات‌لنمسلیک بولیمی طبی امکانیت و تجربه‌لی شفاکار آزلیگی بیلن روپه‌ره دیر، عیاللر و باله‌لر یالغیز ۴۰ فایز ساغلیک امکانیت دن فایده‌لنه دیلر.
عیدی‌ماه سلطانی نینگ ایتیشیچه: «حاضر طبی امکانیت ۱۰۰ دن ۴۰ فایز یخشی دیر، توییب آوقات‌لنمسلیک بولیمیده مسلکی نرس و شفاکار یوق، مسلکی شفکار بولمسه معلوم که توییب آوقات‌لنمسلیککه چلینگنلر سانی کوپیه‌دی.»
غور ولایتی کسلخانه‌سی توییب آوقات‌لنمسلیک بولیم مسئولی و قطار کسل‌لر، قشاق‌لیک و طبی امکانیت‌لردن فایده‌لنه آلمسلیک‌نی، باله‌لر و آنه‌لر نینگ توییب آوقات‌لنمسلیککه چلینیش عاملی عنوان قیله‌دیلر.
دولینه تومنی «غارَک» قیشلاغی یشاوچیسی خدیجه و غور ولایتی کسلخانه‌سیده بیمارلردن بیری نینگ پایوازی مریم نینگ ایتیشلریچه:
دولینه تومنی «غارَک» قیشلاغی یشاوچیسی خدیجه نینگ ایتیشیچه: «باله‌لریمیزنی دوالش اوچون داکتر گه آلیب باره‌ی دیسک داکتر یوق، قیشلاغیمیز گه قار یاققن. بو ییرده آلیب کیلدیم شفاکارلر یاردم بیرماقده‌لر و بالم گه سوت هم بیریشماقده.»
بیزلرنینگ توییترده هم تعقیب قیلینگ!
غور ولایتی کسلخانه‌سیده بیمارلردن بیری نینگ پایوازی مریم گه کوره: «شفاکارلر حامله‌لیک وقتیده هیچ نرسه ییمه‌گنینی ایتدیلر، اوی ده هیچ نرسه یوق‌لیگی سبب اوزی و فرزندلری توییب آوقات‌لنمسلیککه چلینگنلر، ۱۵ کوندن بیری بستر دیر و ینگی‌لیکده چقه‌لاغی گه اوزگریش سیزیلماقده.»
ایتیش کیره‌ک که، غور افغانستان نینگ محروم ولایت‌لریدن سنله‌دی، شونینگدیک اوتگن نیچه ییل ده‌گی قورغاقچیلیک دن هم آمان قالمه‌گن؛ مذکور ولایت مسئوللری نینگ ایشانچی گه کوره، قشاق‌لیک و توییب آوقات‌لنمسلیک باعث، توییب آوقات‌لنمسلیککه چلینگنلر سانی کوپه‌یگن.
