جوزجان ولایتی بوییچه ایکینچی‌لیک ریاستی مسووللری نینگ ایتیش‌لریچه، ایپک قورتی پرورشی‌ده عیال‌لرنینگ علاقمندلیگی کوپ بولگنی سبب، اوشبو ولایت مملکت بوییچه ایپک قورتی تولید قیله‌دیگن ولایت‌لر جمله‌سیده بیرینچی اورین‌گه قرار تاپگن.
جوزجان ولایتی بوییچه ایکینچی‌لیک ریاستی باشلیغی محمدعالم عالمی نینگ ایتیشیچه، اوشبو ولایت اوتگن ییل ۷۵۰ کیلو گرام ایپک ایشلب چیقاریش بیلن مملکت بوییچه بیرینچی اورین‌گه قرار تاپگن.
سلام‌وطندار اوزبیک بولیمی‌نی فیسبوک‌ده تعقیب قیلینگ
جناب عالمی‌گه کوره، ایپک قورتی صناعتی آرقه‌لی، اونلرچه عیال‌گه شغل ایجاد ایتیلگن و اولر بو شغل بیلن عایله‌لری نینگ خره‌جت‌لرینی تامین قیله‌دیلر.
جوزجان ولایتی بوییچه ایکینچی‌لیک ریاستی باشلیغی نینگ کوپه‌یتیریشیچه، بو بولیم ده عیال‌لرنینگ علاقمند بولگنی سبب، ایپک ایشلب چیقاریله‌دیگن بیر مرکز ایجاد قیله‌دیلر.
سلام‌وطندار اوزبیک بولیمی‌نی توییتر ده تعقیب قیلینگ
جوزجانده ایپک قورتی صناعتی بیلن شغل‌لنگن بیرقطار عیال‌لرنینگ ایتیش‌لریچه، ایپک قورتی صناعتی، کوکنار ایکیش‌گه قرشی یخشی بدیل دیر.
ایپک قورتی پرورشی بیلن شغل‌لنگن عیال‌لردن بیری نجیبه نینگ ایتیشیچه، ایپک قروتی‌نی پرورشی و درآمدی دن راضی دیر و بو شغل آرقه‌لی عایله‌لری نینگ خره‌جتی‌نی تامین قیله‌دی.
اونینگ ایتیشیچه، اوشبو صناعت نینگ رشد قیلیشی و ایشخانه ایجاد ایتیلیشی عیاللرگه شغل‌نی کوپه‌یتیره‌دی و چیت‌ایللیک مملکت‌لرگه صادر قیلیش اوچون زمینه یره‌ته‌دی.
گلثوم، عایله‌سی نینگ خره‌جتی‌نی ایپک قورتی صناعتی آرقه‌لی تامین قیله‌دی. اونینگ ایتیشیچه، بو شغل اولرنینگ اقتصادی وضعیتی‌نی یخشی‌لنتیرگن.
او، دولت و ایکینچی‌لیک ریاستیدن بو بولیم ده عیال‌لردن کوپراق حمایت قیلیش‌لرینی سوره‌گن.
جوزجان مملکت شمالی‌ده جایلشگن ولایت‌لردن بیری دیر. اوشبو ولایت عیال‌لریدن کوپ قطاری چارواچیلیک و ایکینچی‌لیک بیلن شغللنه‌دیلر و بو شغل‌لر آرقه‌لی عایله‌لری نینگ خره‌جتی نی تامین قیله‌دیلر.
