تخار ولایتیدن مردمی بیر منبع نینگ کیم‌لیگی سیر قالیش‌نی ایسته‌ب سلام‌وطندارگه ایتیشیچه، اوشبو ولایت نینگ مرکزی تالقان شهریده ۲۰ یاشر یوکلی بیر عیال تورموش اورتاغی(ایری) تامانیدن اولدیریلگن.
منبع نینگ کوپه‌یتیریشیچه، تورموش اورتاغی(خاتینی) نی اولدیرگن کیشی نینگ ۴ ته خاتینی بار ایکن و عایله‌وی جنجل‌لر باعث، کیچیک خاتینی‌نی قورال آرقه‌لی اولدیرگن. منبع گه کوره، مقتول تورموش اورتاغی(ایری) دن راضی ایمس ایکن و بوندن آلدین هم خودکش‌لیک قیلیش‌گه سعی و حرکت قیلگن ایکن.
عین‌حالده، تخار امنیتی مسوولری نینگ بو واقعه‌نی تصدیق‌لب ایتیش‌لریچه، قاتل محلدن قاچیب کیتگن، بیراق قولگه آلیش اوچون سعی و حرکت‌لرنی دوامی بار.
شونینگدیک، تخار ولایتی بوییچه عیال‌لر ریاستی باشلیغی گوهرشاد باور نینگ سلام‌وطندارگه ایتیشیچه، اوشبو واقعه اوتگن کیچه ساعت ۷ اطرافیده یوز بیرگن. خانم باور گه کوره، عایله‌وی جنجل‌لر باعث، قتل صورت تاپگن.
انسان حقلری ایرکین کمیسیونی نینگ شمال – شرق زونی‌ده‌گی باشلیغی سید حفیظ الله فطرت نینگ ایتیشیچه، جاری ییلده عیاللرگه قرشی ۳۵ زوروانلیک واقه تخار ولایتیده قید ایتیلگن و بو رقم دن ۱۹ موردی قتل دیر.
