پاکستان دولتی تامانیدن افغانستان سوداگرلری گه چیکلاولر یره‌تیلیشی بیلن، افغانستان سوداگرلیک و سرمایه یاتقیزیش اتاق مسئووللری و افغانستان-پاکستان سوداگرلیک و صناعت قوشمه اتاقی گه کوره، افغانستان وپاکستان آره‌سیده سوداگرلیک آلیش-بیریش مقداری کمه‌یگن.
افغانستان سوداگرلیک و سرمایه یاتقیزیش اتاق سوزلاوچیسی جان‌آقانوید گه کوره، پاکستان بیلن چیگره‌لرده‌گی قیینچیلیک‌لر دوامی باعث، افغان سوداگرلری اوشبو یول دن توارلرینی انتقال بیریش گه قیزیقمه‌ی و باشقه یول ایزلش گه مجبور بولگنلر.
اونینگ کوپه‌یتیریشیچه: «یوللر توسیلیشی باعث بیر قنچه سوداگرلر یوللرینی اوزگرتیریش گه مجبور بولگن. بندرلر ده قیینچیلیک تاپیلیشیدن سونگ سوداگرلر تجارت‌لری اوچون باشقه یول ایزله‌یدی عکس‌حالده زیان کوریشه‌دی، استه-سیکین بو مملکت بیلن سوداگرلیک مقداری کمه‌یگن.»
باشقه تاماندن، افغانستان-پاکستان سوداگرلیک و صناعت اتاقی نینگ اجرائیه باشلیغی نقیب‌الله صافی گه کوره، بوندن اول پاکستان بندرلری آرقه‌لی انتقال بیریله‌یدگن افغانستان توارلریدن کتّه قسمی، حاضر بندر عباس یولی بیلن انتقال بیریله‌‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «ایکی مملکت آره‌سیده سوداگرلیک یخشی ایمس، سوداگرلر بندر عباس یولی آرقه‌لی توارلرینی انتقال بیره‌دیلر، پاکستان چیگره‌لریده‌گی قیینچیلیک‌لر دوامی اوچون، بو مملکت یوللریدن سوداگرلیک توارلرنی انتقال بیریش کمه‌یگن.»
افغانستان سوداگرلیک و سرمایه یاتقیزیش اتاقی نینگ معلوماتی اساسیده، حاضر انگور اده و اسپین‌بولدک بندرلری سوداگرلیک توارلر یوزی گه یاپیق دیر.
افغانستان سوداگرلریدن بیرقطاری نینگ ایتیشلریچه، پاکستان یولی آرقه‌لی توارلرینی انتقال بیریش قیین شونی اوچون تجارتی یوللرینی اوزگرتیریش گه مجبور بولیشگن.
سوداگردن مخلص نینگ ایتیشیچه: «اوتگن ییل‌لر گه قره‌گنده اوشبو ییل سوداگرلر کوپراق قیینچیلیک قربانی بولدی یوللر توسیلیشی اوچون، بیز هردایم بو کبی قیینچیلیک اوچون تاوان توله‌گن‌میز بو گَل ایشلر سوداگرلر نینگ علاقه‌سیزلیگی گه سبب بوله‌دی.»
بیزلرنینگ «ایکس» ترماغی ده هم تعقیب قیلینگ!
سوداگرلردن باشقه بیری صفت‌الله گه کوره: «افغانستان سرپرست حکومتی بی‌فرق بولمسلیگی کیره‌ک، توارلریمیزنی بندر عباس یولی آرقه‌لی انتقال بیریش گه مجبور میز، پاکستان یقین بولسه ده باشقه چاره‌میز یوق.»
مذکور سوداگرلر، افغانستان و پاکستان آره‌سیده سوداگرلیک قیینچیلیک‌لری اساسی شکلده حل ایتیلیشی اوچون ییچیم یول قیدیریلیشینی سوره‌یدیلر.
عین‌حالده، صناعت و سوداگرلیک وزیرلیگی سوزلاوچیسی آخوندزاده عبدالسلام جواد نینگ ایتیشیچه، پاکستان بیلن سوداگرلیک قیینچیلیگی حلی اوچون، مذکور مملکت نینگ وقتینچه‌لیک رسمی‌لری بیلن مذاکره قیلماقده‌لر.
اونینگ کوپه‌یتیریشیچه: «بو مسئله اساسی شکلده حل بولیشی درکار، سوداگرلر نینگ ویزه‌سی اوچون صحبت قیلدیک، قریب بیر مینگ هیداوچی گه ویزه آلیش اوچون تلاش قیله‌یپمیز.»
افغانستان نینگ پاکستان بیلن بیش چیگره‌سی بار و افغانستان نینگ صادرات و وارداتی اوچون مهم یول‌لردن سنله‌دی. بیراق پاکستان سونگی ایکّی ییل ایچیده نیچه مراتبه تورلی بهانه‌لر سبب بو یوللرنی افغانستان سوداگرلری نینگ توارلری یوزی گه یاپگن.
