ایکی کون آلدین ( یک‌شنبه، ۸ حوت) اسلامی امارت سوزلاوچیسی و معلومات و مدنیت وزیرلیگی نینگ نشرات ایشلری بوییچه معینی ذبیح‌الله مجاهد، کابل‌ده مطبوعاتی ییغینده، «عذری» بولمه‌گن کیشی‌لر چیت ایل گه سفر قیله آلمسلیگینی ایتگن ایدی. اونینگ اورغولشیچه، افغانستان نینگ خارج ده‌گی مهاجرلری تقدیر سیز و قیین احوال‌ده تیریکچیلیک قیلماقده‌لر.
مجاهد نینگ تأکید لشیچه، افغانستان‌دن تشقری سفر قیله دیگن عیاللر نینگ محرمی بولیشی کیره‌ک. او قیزلر تحصیلی بورسیه لرگه محرم سیز باریش سوالی گه جواب ایتیشیچه، مملکت‌دن تشقری سفرلرده عیاللر نینگ محرمی بولیشی «شرعی حکم» دیر.
بیزلرنینگ فیسبوک صحیفه‌میزگه باش اورینگ!
جناب مجاهد اما توییتری‌ده یازیشیچه، افغان‌لر نینگ چیت ایل سفر قیله آلمه‌یدیگن سوزلریدن مقصد، قانونی حجتی بولمه‌گن، قاچاق یولی آرقه‌لی سفر قیله دیگن‌لر دیر. اونگه کوره، قانونی حجت یا تکلیف‌نامه لری بولگن افغانستان فقرالری، چیت ایل سفر قیلیب و کامل ایشانچ بیلن مملکت گه قیتیش‌لری ممکن.
اسلامی امارت سوزلاوچیسی نینگ اوشبو بیاناتی ایچکی و خلق‌ارا واکنش‌لر گه سبب بولگن. اجتماعی ترماغ ایشلاوچیلریدن قطاری بو ایش‌نی «عمومی گرو گه آلیش» عنوان قیلگن‌لر.
عین‌حالده، آمریکا قوشمه ایالت‌لری نینگ تشقی ایشلر وزیرلیگی اسلامی امارت‌دن، اهالی نینگ آزاد سفر قیلیشی گه عاید بیرگن سوزلری گه عمل قیلیش‌لرینی طلب قیلگن. شونینگ ذبیح‌الله مجاهد، آمریکا بو توغریده اسلامی امارت بیلن ارتباط‌ده ایکنینی بیلدیرگن.
اونینگ کوپه‌یتیریشیچه: «بیز اسلامی امارت نینگ مطبوعات‌ده ترقه‌لگن بیاناتینی کورگن میز و بو توغریده‌گی خواطریمیزنی اسلامی امارت بیلن شریک قیلگن میز.» آمریکا تشقی ایشلر وزیرلیگی نینگ سوزلاوچیسی گه کوره، «افغان متحدلری» تخلیه جریانینی قولی‌لشتیریش اوچون آمریکا قوشمه ایالت‌لری نینگ توانالیگی، اسلامی امارت نینگ بیرگن وعده‌لری گه عمل قیلیشی گه باغلیق دیر.
بیزلرنینگ توییترده هم تعقیب قیلینگ!
بریتانیا نینگ افغانستان اوچون ایلچیسی هوگو شورتر کاردار، اسلامی امارت نینگ افغانستان فقرالری چیت ایل گه سفر قیله آلمسلیگی و قیزلر تحصیلی بورسیه‌لر گه محرم سیز باره آلمسلیک دستورالعملی دن تنقید قیلیب و اونی قبول قیلینمس چیکلاو عنوان قیلگن.
او اوتگن کیچه توییتری‌ده یازیشیچه: «اسلامی امارت‌دن بیانات‌لرینی درحال آیدینلشتیریشنی سوره‌ی من. دنیا مملکت‌لری اسلامی امارت حرکت‌لرینی کوزه‌تماقده. بو گَل حرکت‌لر دنیا جماعه‌چیلیگیگه بیرگن وعده‌لری و افغانستان خلقی نینگ ایشانچینی کوچ سیز قیله‌دی.»
