اوتگن کون (شنبه، ۱۶-جدی) شام چاغی کابل غربیده جایلشگن دشت برچی منطقهسیده کاستر رسوملی بیر موترده پارتلش یوز بیرگن.
مذکور پارتلشده هلاک بولگن ۲۶ یاشر محمدعلی ریحانی نینگ آنهسی معصومه، اسلام امیرلیگیدن امنیت تأمینلنیشی نی ایستهب ایتیشیچه، سکیز کیشیلیک عایله سرپرستی بولمیش محمدعلی، نیچه مدت آلدین عایله خرهجتی نی تأمینلش اوچون تحصیلینی ترک قیلیش گه مجبور بولگن ایکن.
محمدعلی ریحانی نینگ سینگیلی سمیه، امنیت تأمینلنیشی نی ایستهب سلاموطندار گه ایتیشیچه: «تورموشگه چیقمهگن ایدی، بیز حاضر توییگه اولتیریش اورنیده قیغوسیگه اولتیریبمیز، کانلر انجنیرلیگی بوییچه اوچ ییل اوقیش آلگن ایدی، بیراق قشاقلیک باعث اوقیشنی ترک قیلیش گه مجبور بولدی و امید قیله من باشقه کیمسه بو کبی بیر واقعهده هلاک بولمهسین.»
بیزلرنینگ فیسبوک صحیفهمیزگه باش اورینگ!
شوندهی بیرحالده، اوتگن کون دشتبرچی منطقهسیده یوز بیرگن پارتلشده قربان بولگنلر نینگ عایلهلریدن بیر قطاری، امنیت تأمینلنیشی گه تاکیدلب ایتیشلریچه، سرپرست حکومت بو کبی واقعهلر عامللری نی قولگه آلیب و جزالنتیریشی کیرهک.
عین حالده، کابل یشاوچیسی بولمیش احمدتقی نینگ ایکی ابهسینی اوغلی، اوتگن کون یوز بیرگن مذکور پارتلشده، ایاغ قسمیدن جدی شکلده جراحت کوتاریب و محمدعلی جناح کسلخانهسیده بستری بولگنلر. احمدتقی سرپرست حکومتدن امنیت نینگ تأمینلنیشی خصوصیده کوپراق سعی و حرکت قیلیشلری نی ایستهیدی.
اونینگ کوپهیتیریشیچه: «بو ایکی ابهم نی اوغیلی پل سرخ ده قول اوستیده سودا ساتووچیلیک بیلن شغللنر ایدی و اوتگن کون صادر بولگن پارتلش هجومده یرهلندیلر، اسلام امیرلیگیدن ایستهیمن خوفسیزلیک بوییچه کوپراق توجه قرهتسین.»
شونینگ مذکور پارتلشده عایله اعضالریدن بیری یرهلنیب و حاضر علیجناج کسلخانهسیده بستری بولگن عصمت، سرپرست حکومتدن مذکور پارتلش عاملی نینگ قولگه آلینیشی نی ایستهب و ایتیشیچه: «اهالی اویلریدن ایشگه باریشه آلمهیدیلر، ییرتانگ اویدن چیققنده ینه قیتیب کیلیشگه ایشانچ یوق، حکومت خوفسیزلیککه توجه قرهتیب، بو حادثه عامللرینی تاپیب، قانونگه تاپشیرسین.»
بیزلرنینگ «ایکس» ترماغی ده هم تعقیب قیلینگ!
شوندهی بیرحالده، سرپرست حکومت سوزلاوچیسی ذبیحالله مجاهد، مملکت یشاوچیلری نینگ امنیتی تأمینلنیشی نی بیان قیلیب ایتیشیچه، اسلام امیرلیگی عایلهلر گه مذکور واقعه عامللری نینگ تیزلیککه قولگه آلینیب و جزالنتیریلیشی خصوصیده ایشانچ بیرهدی.
جناب مجاهد نینگ کوپهیتیریشیچه: «قیغولی بو حادثه اوچون اسلام امیرلیگی قربان بولگنلر عایلهسیگه اوز قیغوداشلیگی نی بیلدیرهدی و بو حادثه عامللرینی تاپیب جزا بیریشگه ایشانچ بیرهدی و حاضر بو حادثه جدی تیکشیریلهدی.»
ایتیش کیرهک که، اوتگن کون شام چاغی کابل غربیده جایلشگن دشت برچی منطقهسیده، کاستر رسوملی بیر موترده پارتلش یوز بیریب و نتیجهده، ۲ کیشی اولیب و ۱۴ کیشی یرهلنگن.