جمهور رئیس محمد اشرف غنی، سی ان ان تلویزیونی بیلن مصاحبه اوتکزیب ایتیشیچه، میلادی ۲۰۱۵ ییلدن بیری افغانستان ده ۴۰ مینگدن آرتیق حربی و تینچ‌اهالی اوز جانی نی قولدن بیرگن.
جمهور رئیس نینگ ایتیشیچه، اوشبو مدت جریانیده یالغیز ۹۸ آمریکالیک حربی افغانستان ده هلاک بولگن.
جمهور رئیس غنی، میلادی ۲۰۱۵ ییلدن بیری افغانستان ده ۴۰ مینگ دن آرتیق انسان اولدیریلگنی‌نی خبر قیلماقده، لیکن بوندن ایکی ییل آلدین سویس اولکه‌سی نینگ داووس شهریده بولیب اوتگن جهان اقتصادی بیرلشمه‌سی ییغینی‌ده سی‌ان‌ان تلویزیونی بیلن صحبت اوتکزیب، ملی بیرلیک حکومتی باشلنگنیدن بیری میلادی ۲۰۱۹- نچی ییل جنوری آیی نینگ ۲۴-نچی کونی گه قدر یالغیز امنیتی کوچ‌لردن ۴۵ مینگ ته‌سی اوروش و توقنشولر جریانیده جان بیرگنیدن خبر بیرگن ایدی.
جناب غنی اوشه پیتده چیت ایللیک کوچ‌لردن یالغیز ۷۲ ته‌سی هلاک بولگنیدن خبر بیرگن ایدی.
جناب غنی یینه بیر مرته اوشبو کانال بیلن صحبت قیلیب، افغانستان یشاوچی‌لری و امنیتی کوچ‌لر، چیت ایللیک کوچ‌لر خوفسیزلیگی‌نی تأمین قیلیش اوچون اوروش بیرینچی خطی‌ده قرار تاپگنیدن خبر بیرگن.
لیکن حربی ایش بیلرمانلر نینگ سوزیگه کوره، اشرف غنی جمهور رئیس بولگنیدن بویان قربانلر سانی جمهور رئیس نینگ اعلان قیلگن سانیدن کوپراق بولگن.
نظامی ایش بیلرمان عتیق الله امرخیل نینگ ایتیشیچه، تینچ‌اهالی نینگ تلفات رقمی، ترقلگن رقم‌لردن کوپ بولگن و ولایت‌لر حاکم‌لری و امنیه قوماندان‌لری تلفات رقمی‌نی آز بیریب، کرسی ده قالیشده تلاش قیله‌دیلر.
جناب امرخیل گه کوره، سونگی بیش ییلده‌گی افغان حربی‌لر نینگ تلفات رقمی، اوروش رهبریتی افغان حربی‌لر قولیده بولگنی‌نی کورسته‌دی و چیت‌ایللیک کوچ‌لر افغانستانده‌گی اوروش و توقنشولرگه قتنشمه‌یدی‌لر.
جناب امرخیل نینگ ایشانچی گه کوره، چریکی اوروش تینچ اهالی و حربی‌لر نینگ تلفات رقمی آرتیش گه سبب بولگن.
بوندن بیر هفته آلدین آمریکا تشقی ایشلر وزیری مایک‌پمپیو، اوتگن بیر ییل جریانیده هیچ بیر آمریکالیک حربی افغانستانده هلاک بولمه‌گنیدن خبر بیرگن حالده، جمهور رئیس محمد اشرف غنی تینچ اهالی و افغانستان امنیتی کوچ‌لر تلفات رقمی اعلام ایتیله‌دی.
