پاکستان باش‌وزیری عمران خان نینگ ایتیشیچه، افغانستان جمهوررئیسی اشرف غنی قدرت‌ده ایکن، طالبان گروهی افغانستان دولتی بیلن سوزلش گه حاضر بولمه‌یدی.
پاکستان باش وزیری اوتگن کون پاکستان پایتختی اسلام‌آباد ده خبرچیلر بیلن اوتکزگن ییغینده بونده‌ی بیانات بیرگن. اونینگ کوپه‌یتیریشیچه، طالبان ییریک رهبرلری نیچه آی آلدین اونگه ایتگن که اشرف غنی قدرت‌دن توشگنیدن کیین، افغانستان حکومتی بیلن مذاکره قیله‌دیلر.
جناب خان نینگ تأکید قیلیشیچه، طالبان مذکور موضوع نی اونینگ افغانستان تینچلیگی توغریسیده سعی و حرکت قیلگنی اوچون مطرح قیلگنلر. حکومت عمران خان نینگ بیانات توغریسیده هیچ بیرنرسه دیمه‌گن.
بیزلرنینگ فیسبوک صحیفه‌میزگه باش اورینگ!
شونینگدیک سیاسی ایش‌بیلرمان‌لرنینگ ایشانچ‌لریگه کوره، محمداشرف غنی جمهوررئیس صفتیده ارگ ده ایش قیلیب تورگن پیت گچه، طالبان تینچلیک نی قبول قیلمه‌یدی.
سیاسی ایش‌بیلرمان بسم‌الله رنجیر نینگ ایتیشیچه، افغانستان نینگ تینچلیک و اوروشی عبوری بیر حکومت ایجاد ایتیلیشی گه سبب بولیشی ممکن و جناب غنی ارگ ده قالگن زمان گچه بونده‌ی بیر ایش بولمه‌یدی.
جناب رنجیر نینگ کوپه‌یتیریشیچه، جمهوررئیس محمداشرف غنی چوکی نی قوییب یوبارگن صورتده، عبوری حکومت ایجاد ایتیلیشی ممکن.
باشقه بیر تاماندن تشقی ایشلر وزیرلیگی سوزلاوچیسی اورین‌باسری نینگ ایتیشیچه، ملی مصالحه کینگش باشلیغی داکتر عبدالله دوحه ده یولگه قوییلگن تریکا ییغینده روسیه، آمریکا، چین و پاکستان مملکتلر نینگ نماینده‌‌لرینی حضوریده طالبان نینگ کتته شهرلر اوستیده هجوم‌لری توخته‌تیلیشی و تینچلیک سوزلشوولری جدی شکلده باشله‌نیشی نی سوره‌گن.
اوتگن اوچ آی جریانیده طالبان کمیده ۲۰۰ تومن نی سقوط بیریب و جاری هفته‌ده ایسه نیچه ولایت مرکزلرینی نظارت گه آلگن.
