ایچکی ایشلر وزیرلیگی سوزلاوچیسی میرویس استانکزی نینگ ایتیشیچه، مذکور وزیرلیک ایچکی خوفسیزلیک پولیس کوچلری، غزنی حاکمی محمدداوود لغمانی و اونینگ اورین‌باسری نی میدان‌وردک مرکزی میدان شهریدن اوشلب آلگن.
عین حالده، بوگون ایرته‌لب غزنی حاکمی نینگ رسم‌لری اجتماعی ترماق‌لرده چیقدی که والی غزنی ولایتی نی قوییب و کابل تامان حرکت قیلماقده. مذکور رسم‌لرگه طالبان هم کورینه‌دی که اولر غزنی-میدان وردک قتناویولیده محمدداوود لغمانی نینگ خوفسیزلیگی نی تأمین قیله‌دی و ایتیلیشیچه، بو گروه جنگریلری غزنی حاکمی نینگ دولت نینگ نظارتیده‌گی منطقه‌لرگچه یولداشلیک قیلگن.
بیزلرنینگ فیسبوک صحیفه‌میزگه باش اورینگ!
غزنی حاکمی نینگ بو ولایتدن قاچیشی اجتماعی ترماقلر کاربرلری نینگ جدی عکس‌العمل‌لریگه روپه‌رو بولگن. اولردن قطاری غزنی حاکمی نینگ قولگه آلیب و اونینگ جزالنتیریلیشی نی سوره‌شگن.
عین حالده، میدان‌وردک ولایتی کینگش اعضاسی شریف‌الله هوتک فیسبوک صحیفه‌سیده یازیشیچه، بو ولایت حاکمی و اونینگ خاص حربی‌لری میدان‌شهر ده موتردن توشیریلیب و قولگه آلینگن.
گزارشلر اساسیده، غزنی حاضرگچه بوتونلی طالبان قولیگه سقوط قیلمه‌گن و امنیتی کوچلر بو گروه گه قرشی مقاومت قیلماقده.
