روسیه خوفسیزلیک کینگشی باشلیغینینگ اورین باسری دیمیتری مدودف، امریکا جمهور باشلیغی دونالد ترامپنینگ ۱۰ بند دن عبارت ریجهنی محاکمه قیلیشگه راضیلیک بیرگنینینگ اوزی ایران اوچون موفقیت ایکنینی ایتدی.
ییتکرمهلرنینگ معلوماتیگه کوره، مدودف ترامپنینگ ۱۰ بندلیک ریجهنی محاکمه قیلیشگه راضی بولگنینینینگ اوزی ایرانلیکلرنینگ یوتوغی دیگن. او شوندهی دیگن: «ترامپنینگ ۱۰ بندلیک ریجهنی محاکمه قیلیشگه راضی بولگنینینینگ اوزی ایرانلیکلرنینگ یوتوغی. معما شونده کی، واشنگتن بونگه کونهدیمی؛ اخیر او ییرده ایران گه ییتکزیلگن ضررنی قاپلش، هسته دستورنی دوام ایتتیریش و تهراننینگ هرمز بوغوزی اوستیدن نظارتی مسئلهلری بار.»
۱۸ حمل/۷ اپریل، سهشنبهدن چهارشنبه گه اوتر کیچه، امریکا جمهور باشلیغی دونالد ترامپ ایران بیلن ایکی هفتهلیک اوز ارا آتیش کیسین بوییچه صلح گه ایریشیلگنینی اعلان قیلدی.امریکا ییتکچیسینینگ انیقلیک کیریتیشیچه، اوشبو قرار پاکستان باش وزیری شهباز شریفنینگ تکلیفی همده ایران اسلامی جمهوریتینینگ هرمز بوغوزینی تولیق، تیزلیک بیلن و خوفسیز طرزده آچیشگه تیارلیگی انابت گه آلینگن حالده قبول قیلینگن.
عینحالده، امریکا و ایران ایکی هفتهلیک آتیش کیسین اعلان قیلگنیدن سونگ، نفت قیمتی سیزیلرلی درجهده پس توشگن. بو اوزگریش بازارلر تینچلنیشیگه سبب بولیب و هرمز بوغوزی آرقهلی نفت و گاز تشیش جریانی باشلنیشی گه دایر امیدلرنی قیته کوچهیتیرگن.
ایران و امریکا ۳۹ کون اوروشدن کیین، پاکستان واسطهچیلیگی بیلن کیلیشدی و ایکی تامان کیلهسی جمعه کونی پاکستان پایتختی اسلامآباد شهریده مذاکره قیلیشلری کوتیلهدی.
