افغانستانده بیرلشگن ملتلر تشکیلاتینینگ نمایندهلیگی (یوناما) اسلام امیرلیگی و پاکستان حربی کوچلرینینگ سۉنگی توقنشوویده، فقط قندهار ولایتی اسپینبولدکده چمهسی ۱۷ تینچ اهالی «شهید» بولیب و باشقه ۳۴۶ کیشی یرهلنگنینی بیلدیردی.
یوناما ۲۴-میزان، پنجشنبه کونی بیر بیانیه ترقهتیب، افغانستان و پاکستان اورتهسیده توقنشوولر ۱۰-اکتوبردن بیری سیزیلرلی درجهده آشیب و کوپراق تینچ اهالی قربان بولگنینی معلوم قیلدی.
بیانیه گه کوره، پکتیکا، پکتیا، کنر و هلمند ولایتلریده ایکی تامان اورتهسیدهگی اولگی توقنشوولرده بیر تینچ اهالی «شهید» بولیب و باشقه ۱۵ کیشی یرهلنگن.
یوناما، تامانلردن کېسکینلیکلر گه چېک قوییب تینچ اهالی قوریقلنیشی و کوپ تلفات بولمسلیگی اوچون، احتیاطکارلیک بیلن حرکت قیلیشلرینی سورهگن.
مذکور تشکیلات، ایکی تامان اورتهسیده آتیش کېسین برقرار ایتیلیشینی خوش قرشی لهگن.
افغانستان و پاکستان اورتهسیدهگی کېسکینلیک، اوتگن هفته پاکستاننینگ کابل و پکتیکا ایریم حدودلریده اویوشتیرگن هوا هجوملریدن سۉنگ کوچهیدی. اوتگن هفته دوامیده، اوشبو ایکی مملکت حربی کوچلری نیچه مراتبه دیورند چیزیغیده توقنشدی.
