واشنگتن‌پست کونده‌لیگی بوگون (یکشنبه، ۲۸-عقرب)، ترقه‌تگن گزارشی ده، حماس، اسرائیل و امریکا غزه ده بیش کون‌لیک آتش کیسین برقرار ایتیلیش گه کیلیشگن‌لر دیب یازگن.
واشنگتن‌پست کونده‌لیگی گه کوره، اوشبو بیش کون‌لیک آتش کیسین ده اوشبو ییل ۷-اکتوبر ده حماس تامانیدن گروگه آلینگنلر قوییب یوباریلیشی ممکن.
بیزلرنینگ فیسبوک صحیفه‌میزگه باش اورینگ!
کیلیشووگه بناً، برچه تامان‌لر حربی هجوم‌لرینی چمه‌سی بیش کونگچه توخته‌تیب و دستلب حماس تامانیدن گروگه آلینگنلر قوییب یوباریلیشی کوتیله‌دی.
واشنگتن‌پست کونده‌لیگی، منبع‌لردن نقل قیلیب ایتیشیچه، کیله‌سی کون‌لر ده گروگه آلینگنلر نینگ قوییب یوباریش جریانی باشلنه‌دی. بیراق گروگه آلینگن ۲۳۹ کیشی دن قنچه‌سی قوییب یوباریلیشی حقیده ایضاح کیریتیلمه‌گن.
بیزلرنینگ «ایکس» ترماغی ده هم تعقیب قیلینگ!
عین‌حالده، سعودی عربستان تشقی ایشلر وزیرلیگی، اسلامی و عربی اولکه‌لر نینگ تشقی ایشلر وزیرلری، غزه ده حماس و اسرائیل آره‌سیده اوروش گه چیک قوییب و تیزلیک بیلن آتش کیسین برقرار ایتیلیشی اوچون، چین گه سفر قیلیش‌لرینی معلوم قیلگن.
