ارزگان مرکزی ترینکوت شهری نینگ بازاریده، قولده توزه‌تیلگن گردنبند‌لر و باشقه قول صنعت‌لری خصوصیده فعالیت قیله‌دیگن آغا‌شیرین نینگ ایتیشیچه، حاضر ایسه ۶۵۰ بی‌سرپرست عیال اونی بیلن ایش قیله‌دی. اونگه کوره، اوشبو عیاللر روزمزد ایشله‌یدیلر و یخن و باشقه قولده تیکیلگن نرسه‌لر برابریده پول آله‌دیلر.
اسلامی امارت تشقی ایشلر وزیرلیگی نینگ سوزلاوچیسی عبدالقهار بلخی بوگون اوز توییتری‌ده یازیشیچه، مذکور وزیرلیک روسیه حکومتی‌دن ایکی تامان مناسبت‌لری تأمینلنیشی اوچون اسلامی امارت دیپلمات‌لری گه ایشانگنیدن منتدارلیک بیلدیره‌دی.
باختر دولت آژانسی نینگ گزارشی اساسیده، اسلامی امارت کان‌لر و پترولیم وزیرلیگی، هرات ولایتی غوریان تومنیده تیمر کانی و غور ولایتی تولک تومنیده سُرب کانینی قازیب چیقریش‌نی قرارداد گه بیره‌دی. باش وزیر بیرینچی اورین باسری ملا عبدالغنی برادر ییتکچیلیگیده، اسلامی امارت اقتصادی کمیسیونی، مذکور ایکی کان نینگ قازیب چیقریش رخصتینی صادر قیلگن.
ایران‌ده افغان مهاجرلری بیلن یامان معامله قیلیش و اولر نینگ کلتکله‌نیشی گه عاید گزارش‌لر، قتیق عکس‌العمل‌لر گه روپه‌رو بولگن. اجتماعی شبکه‌لرده مملکت فقرالریدن قطاری، ایران‌ده افغانستان مهاجرلری بیلن یامان معامله بولیشنی انسانیت گه قرشی دیه قاره‌له گنلر.
جوزجان ولایتی نینگ مرکزی و فیض‌آباد تومنیده ۹ میلیون افغانی‌لیک ۲ سوو ییتکیزیش پروژه نینگ عملی ایشی یکونله‌نیب بوگون فایده‌لنیش‌گه تاپشیریلدی.
افغانستان مرکزی بانکی بوگون بیر خبرنامه ترقه‌تیب ایتیشیچه، افغانی پول برابریده دالر نرخینی پس توشیریش اوچون ۱۳ میلیون دالرنی لیلام شکلده ساته‌دی. مذکور بانک نینگ خبرنامه‌سی اساسیده، اوشبو مقدار پول نینگ داوطلب‌لیگی ایرته (یک‌شنبه، ۲۱ حمل) یولگه قوییلیشی کوتیله‌دی.
اروپا، فرانسه، آلمان، ایتالیا، ناروی، بریتانیا و آمریکا بیرلشمه ایالت‌لری نینگ خاص نماینده‌لری اوتگن کون (جمعه، ۱۹-حمل) قوشمه بیر اعلامیه‌ده ایتگنلر که، بوندن کیین اولر نینگ یاردم‌لری اسلامی امارت نینگ رفتاری گه باغلیق دیر.
غزنی‌ده‌گی منبع‌لر نینگ سلام‌وطندار گه ایتیشلریچه، محمدشفیع مدثرزاده اسملی ییگیت، اوتگن کونی عصر چاغی اوشبو ولایت نینگ شمالی‌ده «سلطان توغانی» منطقه‌سیده، ناتانیش قورالی کیشی‌لر تامانیدن اوققه توتیلیب یره‌لنگن و کیین ایسه بوگون بامداد چاغی کسلخانه‌ده جان بیرگن.
اسلامی امارت ایچکی ایشلر وزیرلیگی نینگ پاسپورت عمومی ریاستی بیر اطلاعیه ترقه‌تیب اعلام قیلیشیچه، بوگون (شنبه،۲۰-حمل) پاسپورت نینگ آن‌لاین ثبت نام پروسه‌سی باشله‌نیشی گه قرار قیلینگن.
لغمان یشاوچیلریدن قطاری نینگ ایتیشلریچه، اسلامی امارت سابق حکومت‌ده باشلنگن و ایشی یریم قالگن اوشبو ولایت‌ده‌گی پروژه‌لر نی، تکمیل قیلیشی کیره‌ک. اولر، پروژه‌لر نی بیللی زمانی‌ده تطبیق قیلمه‌گنلری اوچون سابق حکومت مسئوللریدن تنقید قیلگنلر.
سلام‌وطندار حقیده
مسلکی اصول و نشراتی سیاست
خصوصی محیط سیاستی
بیز بیلن علاقه گه اوتیش
ایش فرصت‌لری
معلومات و سندلرنی یوباریش
بیزلرگه همکارلیک قیلیش شرط‌لری
شکایت
رادیویی برنامه‌لر
فلم و صورت
آر اس اس
خبرنامه گه شرکت قیلیش
