قطار ولایت‌لرده یشاوچیلر پاسپورت ترقه‌تیش و پاسپورت آلیش اوچون آت یازیلیش پروسه‌سی توخته‌گنی‌دن شکایت قیلیب و ایتیشلریچه، پاسپورت‌لری یوقلیگی سبب، ایشلری آرته قالیب یا-ده مملکت‌دن تشقی گه درمان اوچون انتقال بیریله‌دیگن کسل‌لری نینگ وضعیتی یامانلنگن.
غور، بغلان و فاریاب یشاوچیلری نینگ ایتیشلریچه، حاضر ایسه مذکور ولایت‌لرده پاسپورت ترقه‌تیش پروسه‌سی توخته‌‌گن دیر.
بیزلرنینگ «ایکس» ترماغی ده هم تعقیب قیلینگ!
غور یشاوچیسی غلام‌محمد صدیقی نینگ ایتیشیچه: «کسلی‌میز بار و مملکت‌دن تشقی گه آلیب باریشیم کیره‌ک. پاسپورت گه احتیاجیم بار، ثبت نام قیلگن‌مین؛ بیراق یاپیلگن و آلالمه‌یمن. پاسپورت آلیش نی کوتیب تورسم، بو رقم کسلی‌میز نینگ وضعیتی یامان بوله‌دی، کوپینچه قیین‌چیلککه‌میز.»
بغلان یشاوچیسی محمد‌جواد نینگ ایتیشیچه، پاسپورت آمریتی نینگ یاپیق قالگنی، اوشبو ولایت یشاوچیلری نینگ قیینچیلیکلر بیلن روپه‌ره قیلگن. «پاسپورت آلیش کوپ قیین دیر. بعضی پیت‌لر یاپیق، ۲۵ کون‌دن بیری بیز بو ییرده، کیلیب-کیتیش و آزیق-آوقات خره‌جتی قیین و کوپ دیر.»
بیر ییریم ییل پاسپورت آلیش نی کوتیب تورگن فاریاب یشاوچیسی شاه‌جهان نینگ ایتیشیچه: «کوپینچه پیت‌دن بیری مراجعت قیله‌مین؛ بیراق یاپیق دیر، کسلی‌میز بار و اونینگ درمان قیلیشی‌میز کیره‌ک. نیچه کون‌دن بیری کیله‌من، کسل و کیکسه آنه‌م نینگ ولچر بیلن کیلتیریب و قیته آلیب کیته‌من.»
باشقه بیر تامان‌دن، نیمروز، بادغیس، بامیان، دایکندی، هرات، تخار و بلخ یشاوچیلری هم، ولایت‌لریده پاسپورت آلیش اوچون آت یازیلیش پروسه‌سی توخته‌گنی‌دن شکایت قیله‌دیلر.
دایکندی یشاوچیسی سیدمبارک حسینی نینگ ایتیشیچه: «نیلی‌ده ثبت نام قیلیش نی ایسته‌دیم، هر اقدام قیلگنیم‌ده سایت آچیق ایمس دییدیلر و پاسپورت آلیش اوچون کابل گه کیتگنیم صورت‌ده، ۱۰ مینگ خره‌جتی بار.»
باشقه بیر تامان‌دن، پنجشیر، پروان، کاپیسا، بدخشان و قندوز کبی ولایت یشاوچیلری، پاسپورت ترقه‌تیش پروسه‌سی نینگ سیکین‌لیگی و کونده قبول قیلیش جریانی نینگ کمهیگنیدن شکایت قیله‌دیلر.
بیراق ایچکی ایشلر وزیرلیگی نینگ پاسپورت عمومی ریاستی مسئوللری، مذکور گزارش‌ده اشاره بولگن ولایت‌لرده پاسپورت پاسپورت ایسته‌ش یا-ده ترقه‌تیش پروسه‌سی نینگ توخته‌گنی نی رد قیلیب و ایتیشلریچه، اوشبو پروسه‌سی نینگ بوتون ولایت‌لرده عادی شکلده دوامی بار.
بیزلرنینگ فیسبوک صحیفه‌میزگه باش اورینگ!
پاسپورت ریاستی سوزلاوچیسی نورالله پتمن نینگ ایتیشیچه، ولایت‌لردن قطاری‌ده بعضا فنی قین‌چیلیک‌لر سبب، پاسپورت ترقه‌تیش پروسه‌سیده قیین‌چیلیک چیقیشی ممکن؛ بیراق اوشبو قیینچیلیکلر نینگ تیزلیککه حل بولیشی ممکن. اونینگ کوپه‌یتیریشیچه: «پاسپورت اداره‌لریدن برچه‌سی نینگ ایشی، بوتون ولایت‌لرده عادی شکلده دوامی بار و بیر قطار ولایت‌لرده چیقه‌دیگن قیینچیلیکلر هم حل بولگن. بعضا ظرفیت کوپه‌یب و کمه‌یگن که بو ایسته‌‌ک گه باغلیق.»
ولایت‌لردن قطاری‌ده پاسپورت آلیش اوچون اقدام قیلگنلر نینگ ایتیشلریچه، پاسپورت آلیش اوچون پاسپورت ترقه‌تیش پروسه‌سی نینگ توخته‌گنی سبب، پاسپورت آلیش اوچون کابل گه سفر قیلیش گه مجبور بولگنلر.
