ساغلیقنی سقلش وزیرلیگی نینگ کتلوی معافیت بولیمی مسوولی گلاخان ایوب، مملکتده پولیو واکسینی نینگ تطبیق قیلیش کمپایننی باشلنیشیدن خبر بیرگن.
جناب ایوب نینگ سلاموطندار بیلن اوتکزگن صحبتیده ایتیشیچه، مملکتده طالبان حاکم بولگنیدن سونگ، پولیو واکسینی نینگ تطبیق ایتیلیش کمپاینی بیرینچی مرته یولگه قوییلهدی و بو کمپاین قیینچیلیک بیلن روپهره بولمهیشی کیرهک.
ساغلیقنی سقلش وزیرلیگی نینگ کتلوی معافیت بولیمی مسوولیگه کوره، مملکتده کرونا ویروسی ترقهلگنی و ناتینچلیکلر کوپهیگنی سبب، اوتگن ۳ دوره ده کمیده ۴ میلیون باله واکسین دن محروم قالگن.
پولیو واکسینی نینگ تطبیق قیلیش پروسهسی بیرلشگن ملتلر نینگ بالهلردن حمایت قیلووچی صندوقی یا-ده یونیسیف ادارهسی همکارلیگی بیلن یولگه قوییلهدی.
یونیسیف اداره سی نینگ پولیو بولیمی مسئولی کمال شاه سید سلاموطندارگه ایتیشیچه، جاری میلادی ییلده پولیو واکسینی افغانستانده اوچ دور تطبیق ایتیلگن، بیراق بالهلردن کوپقطاری واکسیندن محروم قالگنلر.
اونینگ کوپهیتیریشیچه، پولیو واکسینی گه قرشی قیینچیلیک بولگن بیرحالده هم یالغیز بیر ایجابی واقعه غزنی ولایتیده قید ایتیلگن و رقم اوتگن ییل ده ۵۶ واقعه ایدی.
خلق ارا جماعه سی پولیو کسللیگی نی نابود قیلیش اوچون سعی و حرکت قیلهدی، لیکن افغانستان و پاکستان ده حاضرده هم کسل لیک موجود دیر.