ایرته مملکت نینگ ۱۴ ولایتی ده باله‌لر فلجی (پولیو) گه قرشی ایملش کمپاینی باشلنه‌دی.
افغانستان ده پولیو گه قرشی کوره‌ش اداره (Polio Free Afghanistan) بوگون (یکشنبه، ۳۰ میزان)، اوز ایکس (تویتری) ده، مملکت نینگ ۱۴ ولایتی ده پولیو گه قرشی ایملش کمپاینی باشله‌نیشیدن خبر بیرگن.
بیزلرنینگ فیسبوک صحیفه‌میزگه باش اورینگ!
مذکور اداره نینگ معلوماتی اساسیده، پولیو گه قرشی ایملش کمپاینی ایرته (دوشنبه، ۱ عقرب)، کابل، تخار، قندوز، بغلان، نورستان، کنر، لغمان، کاپیسا، ننگرهار، پروان، خوست، پکتیا، پکتیکا و غزنی ولایت‌لری ده باشلنه‌دی.
اوشبو اداره، برچه عایله‌لردن مذکور کسل‌لیک نی بوتونلی یوق قیلیش اوچون بیش یاشنی تولدیرمه‌گن باله‌لرینی واکسین قیلیش‌لرینی سوره‌گن.
بیزلرنینگ «ایکس» ترماغی ده هم تعقیب قیلینگ!
بوندن آلدین، خلق‌ارا ساغلیق‌نی سقلش تشکیلاتی نینگ پولیو کسلی نی تیکشیریش اضطراری کمیته، ۲۰۲۳-ییل ده‌گی تیکشیرولریدن کیین افغانستان ده پولیو گه چلینگن ۳۲ واقعه ثبت بولگنیدن خبر بیرگن ایدی.
ایتیش کیره‌ک که، اوشبو ییل ده ننگرهار ده باله‌لر فلجی تورت واقعه‌سی ثبت ایتیلگن.
