پولیو گه قرشی ایملش کمپاینی ایرته مملکت نینگ غرب حوزه‌سیده باشلنه‌دی. اوشبو کمپاین ایرته (دوشنبه، ۳-میزان)، هرات، فراه، غور و بادغیس ده باشلنیب و اوچ کون‌گچه اوی‌مه-اوی شکلده دوام تاپه‌دی.
هرات ساغلیق‌نی سقلش ریاستی مسئوللری نینگ ایتیشلریچه، بو دور‌ده بیش یاش نی تولدیرمه‌گن بیر میلیون ۳۰۰ مینگ باله نینگ پولیو گه قرشی ایملنیشی ممکن.
هرات ولایتی ساغلیق‌نی سقلش ریاستی اورین‌باسری محمد آصف کبیر نینگ ایتیشیچه: «حاضرگچه مملکت نینگ شرقی‌ده پولیو ویروسی موجود دیر و قندهار و بلخ ولایت‌لریده ایسه ایجابی نمونه‌لری ثبت بولگن، غرب حوزه‌سیده ایسه جنوب و شمال حوزه‌سی نینگ یقین‌لیگی سبب، بو کمپاین نی باشله‌دیک.»
بیزلرنینگ «ایکس» ترماغی ده هم تعقیب قیلینگ!
جناب کبیر برچه عایله‌لردن پولیو گه قرشی ایملش خصوصیده ساغلیق‌نی سقلش ایشلاوچیلری بیلن همکارلیک قیلیب و باله‌لری نینگ واکسین قیلیش‌لری نی ایسته‌گن.
شونده‌ی بیرحالده، هرات ده ساغلیق‌نی سقل مسئوللری نینگ ایتیشلریچه، اوچ ییل‌دن بویان بو حوزه‌ده باله‌لر فلج‌لیگی خصوصیده هیچ قنده‌ی مثبت واقعه ثبت بولمه‌گن.
مملکت غرب حوزه‌سی نینگ واکسین برنامه مسئولی عبدالوحید رحمانی نینگ ایتیشیچه: «کنه لیزتسیه‌دن آی‌ده آلینه‌دیگن نمونه نینگ نتیجه‌سی منفی دیر، بیراق ینه هم افغانستان نینگ شرقی‌ده پولیو نینگ ایجابی واقعه‌لری تهدید قیله‌دی.»
باشقه بیر تامان‌دن، هرات یشاوچیلریدن قطاری نینگ ایتیشلریچه، باله‌لری نینگ پولیو گه قرشی ایملنیشی اوچون، ساغلیق‌نی سقلش مرکزلری و مسجد‌لر گه باریش گه حاضرلر.
بیزلرنینگ فیسبوک صحیفه‌میزگه باش اورینگ!
هرات یشاوچیلریدن فضل‌الحق احدی نینگ سلام‌وطندار گه ایتیشیچه: «پولیو واکسینی جوده‌یم یخشی دیر و عایله‌لر بو نی نظر گه آلیب و باله‌لری نینگ دایمی فلج‌لیک‌دن قوتقریش‌لری کیره‌ک. بیر قطره باله نینگ قیین‌چیلیک‌لردن قوتقره‌دی.»
شونینگدیک هرات یشاوچیلریدن باشقه بیری نعمت‌الله نینگ ایتیشیچه: «اوی‌ده یاشی کیچیک بولگن باله‌میز بولگنی پیتده، واکسین اوچون آلیب باره‌میز. بیر باله‌میز بار ایدی که ۷ یریم ییل فلج‌لیک کسل‌لیگی بیلن روپه‌ره بولیب و نتیجه‌ده جان بیردی.»
آمار‌لر اساسیده، سونگی ییل‌لر مملکت نینگ غرب حوزه‌سیده باله‌لر فلج‌لیگی خصوصیده ایجابی واقعه ثبت بولمه‌گن. شفاکارلر گه کوره، پولیو ویروسی و درمان بولمه‌گن بیر کسل‌لیک دیر که، کوپراق بیش یاش نی تولدیرمه‌گن باله‌لر چلینه‌دی.
