ساغلیقنی سقلش وزیرلیگی مسئوللری نینگ ایتیشلریچه، شمالی بیش ولایتده پولیو گه قرشی ایملش کمپاینی باشلنگن. مذکور کمپاین بوگون (دوشنبه، ۶-سنبله)، بلخ، جوزجان، سمنگان، فاریاب و سرپل ولایتلریده باشلنگن و تورت کونگچه دوام تاپیب و اوشبو دورده بیش یاش نی تولدیرمهگن بیر میلیون ۴۰۰ مینگ باله نینگ پولیو گه قرشی ایملنیشی ممکن.
ساغلیقنی سقلش وزیرلیگی پولیو بولیمی مسئولی نیکولی شاه مومن نینگ ایتیشیچه: «پولیو گه قرشی ایملش کمپاینی بوگون بلخ، سمنگان، جوزجان، فاریاب و سرپل ولایتلریده باشلنیب و ۳۱-اگستگچه دوام تاپیب و اوشبو دورده ۱.۴ میلیون باله نینگ پولیو گه قرشی ایملنیشی ممکن.»
بیزلرنینگ فیسبوک صحیفهمیزگه باش اورینگ!
شوندهی بیرحالده، جوزجان و بلخ دهگی عایلهلردن قطاری نینگ ایتیشلریچه، پولیو گه قرشی ایملش کمپاینی، بالهلری نینگ دایمی فلج بولیشدن قوتقرهدی.
جوزجان ولایتی «خواه دوکوه» تومنی یشاوچیسی اللهداد نینگ ایتیشیچه: «قیزیم تورت یاشر دیر، بوگون اونی واکسین قیلدیم. اوشبو واکسین بالهم نی کیلهجکده کسللیکلر اینیقسه فلجلیکدن قوتقرهدی. بالهم نی دایمی فلجلیکدن اوزاق قیلهدیگن بو یالغیز یول دیر.»
ایکی بالهسی واکسین قیلگن بلخ مرکزی مزارشریف شهری یشاوچیسی عصمتالله نینگ ایتیشیچه: «باشقه یشاوچیلردن بالهلری نی واکسین قیلیشلری نی ایستهیمن و اویلری گه واکسین قیلووچیلر کیلگنی پیتده، بالهلری نینگ واکسین بولیشی گه رخصت بیریشلری کیرهک، چونکه اونملی بیر موضوع دیر و بالهلر نی بدبختلیکدن قوتقرهدی.»
پاکستان دن کیین، افغانستان بالهلر فلجلیگی حاضرگچه کامل شکلده اورتهدن کیتمهگن ایکینچی مملکت دیر و جاری میلادی ییل باشلنگنیدن بیری، اوشبو کسللیکدن بیش مورد ثبت بولگن.
باشقه بیر تاماندن، افغانستان ده یونیسف دفتریده پولیو برنامهلری نینگ رابطهلر مسئولی کمالشاه سید گه کوره، اوزاق منطقهلردن قطاریده، عایلهلر پولیو گه قرشی ایملش خصوصیده توجهسیزلیک و منفی تبلیغلر سبب، بالهلری نی واکسین قیلمهیدیلر. «پولیو گه قرشی ایملش نی رد قیلهدیگن عایلهلر ساحهلریده مبلغلر، میدیالر و عالملر آرقهلی معلومات بیریلیش خصوصیده سعی و حرکت قیلهمیز. یخشی کمپاینیمیز بولگنی پیتده، تیزلیک بیلن افغانستان ده پولیو نینگ اورتهدن کیتهدی.»
عین حالده، شفاکارلر نینگ ایتیشلریچه، بالهلر فلجی کسللیگی نی مکمل شکلده اورتهدن کیتکزیش اوچون، عایلهلر گه معلومات بیریلیش نینگ کوپهیتیریشلری کیرهک که بو رقم، بالهلر نینگ پولیو گه قرشی ایملنیش نینگ جدی آلسینلر.
بیزلرنینگ توییترده هم تعقیب قیلینگ!
میوند کسلخانهسیده چقهلاقلر و بالهلر داخله متخصصی احمدجاوید ادیب شالیزی نینگ ایتیشیچه: «پولیو یامان بیر خطر دیر، باله واکسین بولمهگنی پیتده، اوشبو ویروس نینگ کوپهیش خطری یوقاری کیتهدی. عایلهلردن قطاری واکسین قیلیش نی ایستمهیدیلر و واکسین عقیم قیلیب و کیلهجکده باله اوچون قیینچیلیک ایجاد قیلهدی دیب توشینهدیلر که بو درست ایمس و بیر تهدید دیر.»
ایتیش کیرهک که، اوتگن هفته کابل شامل ۲۷ ولایتده، بیش یاش نی تولدیرمهگن ۱۱ میلیون باله پولیو گه قرشی ایملندی.