پروان ولایتی کسلخانهسیده کوز کسللیگی نینگ دوالش بولیمی گه مراجعت قیلگنلر و یشاوچیلردن قطاری، اوشبو بولیم نینگ فعال بولمهگنیدن تنقیدلب ایتیشلریچه، کسللری نی دوالش اوچون باشقه ولایتلر گه کیتیش گه مجبورلر.
پروان ولایتی کسلخانهسی گه بوبهسی نینگ کوزلری نی دوالش اوچون آلیب کیلگن ۲۲ یاشر یاسر احمدی نینگ ایتیشیچه، اوشبو کسلخانه نینگ کوز کسللیگی نی دوالش بولیمی فعال بولمهگنیدن بیخبر ایکن و حاضر ایسه بوبهسی نی درمان اوچون کابل گه آلیب کیتیش گه مجبور دیر.
بیزلرنینگ توییترده هم تعقیب قیلینگ!
اونینگ کوپهیتیریشیچه: «کوزی گه پرده کیلگن. بو ییرده حتی کوز پردهسی نی عملیات قیلیش بولیمی هم یوق. نیچه برابر مصرف بیلن کابلده عملیات قیلیشیمیز کیرهک. مسئوللردن بو ییر گه شفاکار ایرکک و عیال نینگ آلیشلری نی ایستهیمیز که بو رقم، اهالی باشقه ولایتلر اینیقسه کابل گه سرگردان بولمهسینلر.»
یاسر کبی قیینچیلیک بیلن روپهره بولگن پروان یشاوچیسی راحله نینگ ایتیشیچه، آنهسی نینگ کوزی نی درمان قیلیش اوچون تورلی خصوصی ساغلیق مرکزلر گه بارگن؛ بیراق مذکور کسلخانهلر نینگ یوقاری دوالش خرهجتینی توللش گه امکانیتی یوق. شونینگدیک او ساغلیق مسئوللردن، پروان ولایتی کسلخانهسیده کوز کسللیکلری نی دوالش بولیمی نینگ فعال بولینیشی نی ایستهگن.
راحله نینگ ایتیشیچه: «آنهم نینگ کوزی گه پرده کیلگن، انه شوو سبب پروان ملکی کسلخانهسی گه مراجعت قیلدی که، قیغو بیلن کوز کسللیگی نی دوالش بولیمی فعال ایمس. اونینگ خرهجتی ۲۵ مینگ افغانی بولهدی که، ۱۰ افغانیسی نی هم تیار قیله آلمهیمیز. کوز قیینچیلیگی اوچون کوپینچه ایرکک و عیال مراجعت قیلهدیلر، بیراق کوز کسللیکلر بولیمی فعال ایمس.»
پروان ۱۰۰ یاتاقلی کسلخانهسی باش شفاکاری عبدالخلیل حیدری نینگ سلاموطندار گه ایتیشیچه، اوشبو کسلخانهده کوز کسللیگی بولیمی نینگ فعال بولمهگنیدن بیش ییلدن آشهدی. اونگه کوره، کونده مذکور کسلخانه نینگ کوز کسللیگی بولیمی گه اونلب کسل مراجعت قیلهدی.
بیزلرنینگ فیسبوک صحیفهمیزگه باش اورینگ!
حیدری نینگ کوپهیتیریشیچه: «اوتگنلرده فعال ایدی. کوز متخصصیمیز بار ایدی. بیر قطار وسیلهلری بار. نیچه مرته یاردم بیرووچی موسسهلر گه ایتدیک، بیراق حاضرگچه کوز متخصصلری آلینمهگن و مراجعت قیلووچلر هم کوپ دیر.»
ساغلیق نی سقلش وزیرلیگی مسئوللری بوندن آلدین هر ولایت نینگ دولتی کسلخانهلریده، کوز کسللیگی نینگ دوالش مرکزی ایجاد قیلینیشی نی ایتگنی بیرحالده، پروان یشاوچیلری اوشبو ولایت تخصصی کسلخانهسی نینگ کوز کسللیگی نی دوالش بولیمی فعال بولمهگنیدن شکایت قیلهدیلر.