کابل شهری یشاوچیلریدن قطاری، اوشبو شهرده ترافیکی گوجوملیکدن شکایت قیلیب و ایتیشلریچه، انه شوو سبب بیر ساعتدن آرتیق یولده قالهدیلر.
مذکور یشاوچیلر، ایچکی ایشلر وزیرلیگینینگ ترافیک پولیس عمومی ریاستی مسئوللریدن اوشبو قیینچیلیکنینگ حل قیلینیشینی ایستهگنلر.
بو توغریده کابل شهری یشاوچیلریدن طلامحمدنینگ ایتیشیچه: «سر کوتلدن کیلدیم، یریم ساعتلیک یولنی اوچ ساعت کوتدیم و حاضر دهمزنگ کیتماقچینمین که ۲۰ دقیقهلیک یولنی بیر ساعت کوتماغیم کیرهک.»
بیزلرنینگ فیسبوک صحیفهمیزگه باش اورینگ!
شونینگدیک گابل شهری یشاوچیلریدن باشقه بیری نعیمنینگ ایتیشیچه: «ترافیکی گوجوملیک کوپهیگن و اهالی قیینچیلیککه روپهره بولگن. هر جای گه بارماقچین بولسهک، ۲۰ دقیقه کوپ وقت آلهدی.»
باشقه بیر تاماندن، شهری تکسیلر هیداوچیلریدن قطاری، یشاوچیلرنینگ هوا کوپریکلریدن فایدهلنمسلیکلری، سرکلرده قول اوستیده سودا ساتهدیگنلر فعالیتی، یشاوچیلرنینگ بیللی بیر وقتده بیکتلرگه باریشی و هیداوچیلر آرقهلی ترافیکی قانون-قاعدهنینگ رعایت بولمسلیگی، پایتختده ترافیکی گوجوملیک کوپهیگنی اصلی عامللریدن دیگنلر.
کابل شهریدهگی تکسی هیداوچیلردن فوادنینگ ایتیشیچه: «بو ییردن دارالامانگچه ۱۰ دقیقه دیر؛ بیراق گوجوملیک سبب یریم ساعتگچه هم ییتیشه آلمهیمیز و تکسی موترلری اوچون بیللی بیکتلر قوریلیشی کیرهک.»
شونینگدیک کابل شهریدهگی تکسی هیداوچیلردن باشقه بیری فریداللهنینگ ایتیشلریچه: «ترافیکی گوجوملیکنینگ تورلی سببلری بار؛ قول اوستیده سودا ساتهدیگلر سرکلرده سودا ساتهدیلر، اهالینینگ سرکلردن اوتیب-قیتیشی، هوا کوپریکلریدن فایدهلنمسلیک، سرکلرنینگ کیچیکلیگی و بیکتلر یوقلیگی، ترافیکی گوجوملیک سببلریدن دیر و بو قیینچیلیک حلی اوچون بیکتلرنینگ قوریلیشی کیرهک.»
بیزلرنینگ «ایکس» ترماغی ده هم تعقیب قیلینگ!
عین حالده، ایچکی ایشلر وزیرلیگی ترافیک پولیس عمومی ریاستی مسئوللرینینگ ایتیشلریچه، پایتختده موترلر گوجوملیگی کمهیشی اوچون بیر قطار برنامهلرنی قولگه آلگنلر.
ایچکی ایشلر وزیرلیگی ترافیک پولیس عمومی ریاستی نمایندهسی فضلهادی حمیدینینگ ایتیشیچه: «حکومتی ادارهلر و خصوصی سکتورنینگ ایش وقتی و کابل بلدیهسینینگ سرک قوریش لایحهسی دوامی، اهالی تامانیدن ترافیکی قاعده-قانوننینگ رعایت بولمسلیگی ترافیکی گوجوملیکنینگ اصلی سببلریدن دیر و اونینگ کمهیشی اوچون کابل ترافیک ریاستی بیر قطار برنامهلرنی قولگه آلگن و شونینگدیک موترلرنینگ تکسی قیلیش، تورلی ادارهلر بیلن هماهنگلیک و شهری موترلرگه بیکت قوریلیشی، ترافیکی گوجوملیک کمهیشیگه سبب بولهدیگن برنامهلردن دیر.»
ایچکی ایشلر وزیرلیگی ترافیک پولیس عمومی ریاستینینگ معلوماتی اساسیده، حاضر ایسه کابل شهری سرکلریده ۸۰۰ مینگ نقلیه واسطه بار.
