کابل شهری نینگ تورلی ناحیه یشاوچیلریدن قطاری نینگ ایتیشلریچه، نیچه هفتهدن بویان بیر کیچه و کوندوزده یالغیز نیچه ساعت برقلری بار که، اوشبو ایسیق هواده کوپینچه قیینچیلیکلر بیلن روپهره بولگنلر.
کابل شهری نینگ دارالامان منطقه یشاوچیشی خدیجه نینگ سلاموطندار گه ایتیشیچه: «سونگی نیچه کونده هوا جودهیم ایسیگن، برق پرچویسی هم کوپهیگن. ایرتنگ تامان یالغیز ایکی ساعت برقیمیز بار که، سوو آلهمیز و آخشم تامان هم بیر ساعت برقیمیز بار.»
بیزلرنینگ فیسبوک صحیفهمیزگه باش اورینگ!
خدیجه نینگ کوپهیتیریشیچه، هوا نینگ ایسیشی بیلن برق خصوصیده نیازلر کوپهیهدی؛ بیراق شوندهی بیر وضعیتده، برق پرچویسی کوپهیگن.
کابل شهری نینگ ۱۷-ناحیه یشاوچیسی منصور نینگ ایتیشیچه: «۲۴ ساعتده، یالغیز ۴ ساعت برق بار. هوا ایسیگن و کونده کیلهدیگن بیر یا-ده ایکی ساعت برق بیلن، قشاق اهالیده ۲۴ ساعت سوو نی موزلنیشی اوچون یخچاللری یوق.» منصور نینگ کوپهیتیریشیچه، مذکور ایسیق هواده برق کملیگی، او و عایلهسی نینگ ساووق سوو گه قول تاپه آلمهیشلری گه سبب بولگن. «آخشم تامان اوی گه بارگنیم پیتده، اویده ایچیش اوچون ساووق سوو یوق؛ چونکه برق یوق دیهدیلر.»
افغانستان وارداتی برق گه تیگیشلی بولگنی و اوشبو برق خصوصیده ایستهکلر نینگ کوپلیگی سبب، دایم یاز و قیش موسمیده یشاوچیلر برق پرچویسی بیلن روپهره بولهدیلر.
کابل شهریده برق پرچویسی نینگ کوپهیشی، اوقووچیلردن قطاری نی درس و تعلیمی برنامهلری نینگ تعقیب قیلیشلری خصوصیده هم کوپینچه قیینچیلیک بیلن روپهره قیلگن.
کابل شهریده «تکاستار» تعلیمی مرکزیده اینگلیزچه اوقهدیگن دشتبرچی منطقه یشاوچیسی فرحناز، برق پرچویسیدن شکایت قیلیب ایتیشیچه: «کونده ایسیق یا-ده موبایلیم نینگ چارچی بولمهگنی سبب، درس اوقه آلمهیمین. کیچه هم برق یوق و قرانغوده درس اوقیش و کمپیوتر ایشلماق بولمهیدی.»
افغانستان برق ییتکیزیش شرکتی یا-ده برشنا سوزلاوچیسی حکمتالله میوندی، ۶، ۷ و ۱۷-ناحیهلرده برق پرچویسی نی تصدیقلب ایتیشیچه: «سونگی کونلرده تاپیلگن قیینچیلیکلر سببی، بوران دیر که، لینلردن قطاری بوزیلگن و اونینگ قیته توزتهتیلیشی اوچون کابل شهری نینگ بیر قطار منطقهلری برق پرچوسی بیلن روپهره دیر.»
بیزلرنینگ فیسبوک صحیفهمیزگه باش اورینگ!
شونینگدیک میوندی نینگ کوپهیتیریشیچه، ساویتمه وسیلهلردن قوللنیش اوچون تقاضا کوپهیگن و برق نینگ کم عرضه بولیشی، کابل شهری نینگ برق پرچویسی بیلن روپهره بولیشی گه سبب بولگن.
کابل شهری گه برق ییتکیزیش اوچون ۱۵۰۰ میگاوات برق نیاز بولگنی بیرحالده؛ بیراق حاضر ایسه برشنا اوشبو شهرده ۹۳۰ میگاوات برق ترقهتهدی.