پروان ده محلی مسئوللرنینگ اعلام قیلیشیچه، بیرلشگن ملتلر تشکیلاتینینگ بالهلرنی قوللب-قوتلش صندیغی (یونیسف)، حمایتی بیلن اوشبو ولایتدهگی ۱۳۵ ته قیزلر مکتبیگه آهن و فولیکاسید تابلیتلرینینگ ترقهتیلیش جریانی دوام قیلماقده.
پروان اقتصاد باشلیغی مجیبالله رحیمینینگ بوگون (۲۴-حمل/۱۳-اپریل، دوشنبه)، ایتیشیچه، مذکور لایحه تورت میلیون ۷۵۰ مینگ افغانیدن آرتیق ارزش بیلن عملگه آشیریلماقده و اونینگ مقصدی ایسه قیز اوقووچیلرآرهسیده کمقانلیک درجهسینی کمهیتیریش دیر.
اونگه کوره، اوشبو دستور مکتبلردهگی قیزلر سلامتلیگینی یخشیلش بوییچه کینگ کولملی سعیوحرکتلرنینگ بیر قسمی دیر.
شونینگدیک یونیسف ۲۰۲۴-ییلده، اوشبو قیینچیلیک بیلن قرشی کورهش اوچون افغانستان ده کمقانلیک خوفی آستیده بولگن قریب ایکی میلیون ۵۰۰ مینگ قیز گه فولیکاسید تابلیتلرینی ترقهتگن ایدی.
کمقانلیک یا-ده آهن کملیگی، افغانستان ده یاش قیزلر آرهسیده کوپ ترقهلگن قیینچیلیکلردن بیری بولیب و کوپراق ناتوغری آوقتلنیش، کمبغللیک و طبی خذمتلردن آزراق فایدهلنیش طفیلی اورته گه کیلهدی.
