بغلان ولایتیدن امنیتی منبع نینگ سلام‌وطندارگه ایتیشیچه، بوگون “پنجشنبه” ایرته‌لب ساعت ۲ ده اوشبو ولایت مرکزی پلخمری شهری نینگ باغ شمال منطقه‌سیده ملی اردو بیر قرارگاهی پارتلش ماده یوکلنگن موتر آرقه‌لی هجوم آستیگه قرار بیریلگن.
منبع نینگ ایتیشیچه، حاضرگه‌قدر اوشبو واقعه‌ده ملی اردو حربی‌لریدن ۶ ته‌سی هلاک و باشقه ۱۰ ته‌سی یره‌لنگن.
یره‌لنگن حربی‌لردن بیرقطاری نینگ ایتیش‌لریچه، امنیتی کوچلرگه کوپینچه تلفات وارد بولگن و اولردن کوپ قطاری ییقیلگن دیوارلر آُستیگه قالگن. اولرنینگ ایتیش‌لریچه، اوشبو قرارگاه بغلان پولیس قومندانلیگی یقینیده جایلشگن، بیراق یره‌لنگنلر و قربان بولگنلرنی قوتقریش اوچون کمکی کوچ یوباریلمه‌گن.
سلام‌وطندار اوزبیک بولیمی‌نی فیسبوک‌ده تعقیب قیلینگ
۲۱۷ پامیر قول اردو قومندانی عباس توکلی نینگ اوشبو واقعه‌نی تصدیق‌لب ایتیشیچه، پارتلش ماده یوکلنگن مذکور موتر مقصد ده ییتیشمسدن آلدین ملی اردو کوچلری تامانیدن تانیلیب و هدف آُستیگه قرار بیریلگن.
جناب توکلی گه کوره، طالبان جنگریلری بو واقعه‌دن سونگ، قرارگاه و اطرافیده بولگن پوسته‌لر اوستیگه هجوم قیلگن، لیکن امنیتی کوچلر تامانیدن کیین‌گه اوریلگن.
- بغلانده «هلو ترست» ماین تازهلش دفتری اوستیگه اویوشتیریلگن هجومده ۱۲ کیشی هلاک ایتیلگن
- بغلان؛ طالبان هجومی سبب، «جلگه» و «برکه» تومن‌لری نینگ پولیس قومندان‌لری هلاک ایتیلگن
- بغلان ده بمب جایلشتریلگن موتر پارتلش‌ده ۵ کیشی هلاک و کمیده ۵۰ کیشی یره‌لنگن
۲۱۷ پامیر قول اردو قومندانی نینگ ایتیشیچه، اوشبو هجومده ملی اردو حربی‌لریدن بیرقطاری یره‌لنگن و اوشبو قرارگاه دیوارلری تخریب ایتیلگن. او، هلاک ایتیلگنلر خصوصیده فکر بیلدیرمه‌گن.
طالبان گروهی اوشبو هجوم مسوولیتی‌نی بوینیگه آلیب و امنیتی کوچلردن بیرقطاری نینگ هلاک ایتیلگنی‌نی بیلدیرگن.
۲۱۷ پامیر قول اردو قومندانی نینگ کوپه‌یتیریشیچه، طالبان گروهی بغلان-سمنگان قتناو یولیده ماین جایلشتیرگنلر و عمومی قتناو یول‌نی ترافیک یوزیگه باغله‌گن.
توکلی نینگ ایتیشیچه، اوشبو قتناو یولده ماین جایلشتیریلیشی و طالبان نینگ کمین قورگنی سبب، حربی عملیات کندلیک بیلن ایلگری کیتماقده.
