ایران حدودیده امریکا قیروچی اوچاغی اوریب توشیریلگنی حقیدهگی خبرلردن سونگ، ایران ییتکرمهلری کتاپولت (تشقریگه تشلاوچی چوکی) آرقهلی چیقیب کیتگن ایکی اوچووچیدن بیری بو مملکت جنوبیگه توشگن بولیشی ممکنلیگینی معلوم قیلدی.
امریکا رسمیلری، سیبیاس نیوز گه بیرگن معلومات گه کوره، اوچاق اوچووچیلریدن بیری قوتقریلگن و بیری ایسه یوقالگن.
ایران دولتی گه علاقهدار ییتکرمهلر، فقرالرنی «اوچووچینی تیریک حالده قولگه آلیشگه» چقیریب، بونینگ اوچون مکافات وعده قیلگن. معلوماتلر گه کوره، تخمیناً ۶۶.۱۰۰ دالر مقداریده مکافات اعلان قیلینگن.
آرهدن کوپ اوتمهی، جنوبی ولایتلرده قوراللنگن فقرالر یوقالگن اوچووچینی قیدیرهیاتگنی عکس ایتگن ویدیولر ترقهله باشلهدی.
خوزستان ولایتینینگ جنوبیدن آلینگنی ایتیلهیاتگن، تصدیقلنمهگن ویدیولردن بیریده، قولیده قورال و ایران بیراغینی کوترگن بیر نیچه ایرکک قیدیرو ایشلرینی آلیب بارهیاتگنی کورینهدی. اولردن بیری «خدا خواهلسه، اونی تاپهمیز» دییدی.
ایران، ۱۴ حمل/۳ اپریل، جمعه کونی بو مملکت حدودلری و خلیج فارسده امریکانینگ ایکی قیروچی اوچاغینی اوریب توشیرگن.
بیرینچی اوچاق، «F-15E Strike Eagle» بولیب ایکی اوچووچیسی بولگن. بیر اوچووچی قوتیلگن بیراق ایکینچی اوچووچی یوقالگن.
ایکینچی اوچاق «A-10 Warthog» بولیب، اونینگ اوچووچیسی یالغیزلیکده قوتیلگن.
ییتکرمهلرنینگ معلوماتیگه کوره، بلکهاوک ایکی تیکاوچر قیدیرو عملیات و اوچووچینی قوتقریش اوچون منطقه گه یوللنگن ایکن نشانگه آلینگن بیراق ایران حدودلریدن چیقیش گه اولگورگن.
