امریکا و ایران اورتهسیده صلح مذاکرهلری جریانی نامعلوم ایکن، ایندی ایکی تامان عملدارلرینینگ بیاناتلری صلح کیلیشووی اوچون امیدوارلیکلرنی کمرنگ قیلیب و ینه توقنشوولر باشلنیشی احتمالی حقیده خواطرلرنی آشیرگن.
امریکا قوشمه ایالتلری جمهور باشلیغی دونالد ترامپ چین گه باریش آستانهسیده، ایران بیلن صلح مذاکرهلری جریانی و هرمز بوغوزی یاپیقلیگیدن ناراضیلیک بیلدیریب، کیلیشوو گه قول تاپمهگونچه ایران گه قرشی باسیملر دوام ایتیشینی ایتگن. اونینگ تأکیدلشیچه، هرمز بوغوزیده کیمهلرنی آزاد قیلیش لایحه عملیاتی قیته باشلنیش ورینتی تیکشیریلماقده.
دونالد ترامپ، امریکانینگ ایران تامانیدن بیریلگن جوابینی کیسکین تنقید قیلیب اوت آچیشنی توختهتیش حالتی جوده نازک ایکنینی و او صنعی نفس آلیش اوسکونه گه اولنگن حالتده تورگنینی ایتگن.
ترامپنینگ بیاناتی بیر بولیمیده شوندهی کیلگن: «بیز گه یوباریلگن جوابنی اوقیگنیمدن سونگ، حتا اونی آخریگچه هم اوقیب چیقمهدیم، مینینگ فکریمچه اوت آچیشنی توختهتیش حالتی جوده آغیر و عملده صنعی نفس آلیش اوسکونه گه باغلیق.»
بیراق ایران اوز طلبلرینی عاقلانه و سخاوتلی دیب بیلیشینی ایتماقده و هر قندهی هجومگه جواب قیتریشینی آگاهلنتیرگن.
ایران تشقی ایشلر وزیرلیگی سوزلاوچیسی اسماعیل بقایی، هرمز بوغزی مسئلهسیگه هر قندهی تشقی ارهلشوو وضعیتنی ینهده مرکبلشتیریشی ممکنلیگینی آگاهلنتیردی. او شوندهی دییدی: «بیز هم ایران خلقی گه قرشی بوندهی جنایتلرنی صادر ایتگنلر بیلن حلی حساب-کتاب قیلگنیمیز یوق. البته، اگر قوراللی حربی کوچلریمیز گه امکانیت بیریلسه، اوندن اینگ یخشی طرزده فایدهلنیلهدی.»
منطقهوی درجهده هم ایران و امریکا اورتهسیدهگی کیسکینلیکنی کمهیتیریش اوچون دیپلماتیک سعی-حرکتلر دوام ایتماقده. تورکیه تشقی ایشلر وزیری هاکان فیدان، او امریکا، ایران و پاکستان بیلن یقین مصلحتلشوولر آلیب بارگن و بوگون قطرده اوشبو مملکت رسمیلری بیلن مذاکرهلر اوتکزیشی کوتیلهدی.
پاکستان گه قوشیمچه روشده، تورکیه و قطر هم تهران و واشنگتن اورتهسیده واسطهچیلیک قیلیشگه حرکت قیلماقده.
دیپلماتیک یول حلی انیق نتیجه گه آلیب کیلمهگن بیر شرایطده، ایریم خلقارا مناسبتلر بیلرمانلرینینگ فکریچه، بو حالتنینگ دوام ایتیشی ینه توقنشوولر قیته باشلنیشی احتمالینی آشیریشی ممکن.
خلقارا مناسبتلر بوییچه بیلرمان سیدمقدم امین، یقین شرقدهگی وضعیت بارهسیده شوندهی دییدی: «یقین شرق مملکتلری و منطقهدهگی باشقه دولتلر قرارلریده شوندهی ریجه موجود کی، ایران اسلامی جمهوریتی قندهی یول طلب قیلینسه هم ضعیفلشتیریلیشی کیرهک. بو بارهدهگی ییچیملر یوزهسیدن محاکمهلر دوام ایمتاقده، یعنی منطقه دولتلری بیلن دیپلماتیک اوچرهشوولر عینن شو اوزگریشلر گه قرهتیلگن.»
برچهسی بیلن، ایران پارلمان باشلیغی محمدباقر قالیباف، ترامپنینگ بیاناتلریگه جواباً، عدالتلی کیلیشوو دایرهسیده ایران حقوقلرینی تن آلیشدن باشقه مقابل یول یوقلیگینی ایتگن. او ینه قوشیمچه قیلیشیچه، هر قندهی باشقه یاندهشوو بوتونلی ثمرهسیز بولهدی و کیتمه-کیت موفقیتسیزلیکلردن باشقه نتیجه بیرمهیدی.
