اسلام امیرلیگی ایچکی ایشلر وزیرلیگی سرپرستی سراج‌الدین حقانی کابل ده اۉزبېکستان تشقی ایشلر وزیری بختیار سعیداوف بیلن اۉچره‌شگن.
ایچکی ایشلر وزیرلیگی بوگون (۲۳-حوت، چهارشنبه کونی) ایکس اجتماعی ترماغی‌ده، اوشبو وزیرلیک سرپرستی سراج‌الدین حقانی اۉزبېکستان تشقی ایشلر وزیری و بیرگه هیئتی بیلن اۉچره‌شگنیدن خبر بیرگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی گه کوره، بو اۉچره‌شووده تامان‌لر قۉشنی ایکّی مملکت نینگ مناسبت‌لری مستحکم‌لنیشی اوستیگه تاکید ایتگنلر.
مذکور وزیرلیک بختیار سعیداوف دن نقل قیلیب یازیشیچه، او مملکت‌ده خوفسیزلیک تأمین اېتیلیشی، بنگی‌وار ماده‌لر گه قرشی کوره‌ش و منطقه ثباتی اوچون اسلام امیرلیگی نینگ سعی‌وحرکت‌لریدن منتدارلیک بیلدیرگن.
شونینگدیک تامان‌لر اوشبو ایکّی مملکت نینگ قۉشمه فرهنگی و تاریخی مناسبت‌لری همده اقتصادی لایحه‌لر عملگه آشیریلیشینی محاکمه قیلگنلر.
بیزلرنینگ «ایکس» ترماغی ده هم تعقیب قیلینگ!
بو اۉچره‌شوو ده حقانی جنابلری، افغانستان‌ده سرمایه یاتقیزیش اوچون خوفسیزلیک تأمین اېتیلیشیدن ایشانچ بیلدیریب و منطقه ثباتی اوچون اقتصادی لایحه‌لر عملگه آشیریلیشینی مهم دیب بهاله‌گن.
عین‌حالده اۉزبېکستان تشقی ایشلر وزیری بختیار سعیداوف اوتگن کیچه سرپرست حکومت تشقی ایشلر وزیرلیگی سرپرستی امیرخان متقی بیلن اۉچره‌شووی ده، بو مملکت هردایم خلق‌ارا ییغیلیش‌لرده افغانستان‌نی قۉللب-قوتلب و اوشبو مملکت دنیا همجمعیت نینگ بیر قسمی بولیشینی اېسته‌گنینی معلوم قیلگن.
اۉزبېکستان تشقی ایشلر وزیری بختیار سعیداوف بو مملکت کابینه اعضالری و سوداگرلری‌دن عبارت ۳۰ کیشی‌لیک بیر هیئت ییتکچیلیگی‌ده ۲۲-حوت، دوشنبه کونی کابل گه کیلگن.
