امریکا قوشمه ایالتلری جمهور باشلیغی دونالد ترامپ، عمان هرمز بوغوزینی قیته آچیش بوییچه سعی-حرکتلر گه توسقینلیک قیلسه، بو مملکتنی بمباردمان قیلیشینی ایتیب عماننی تهدید قیلگن.
ترامپ، بوگون (۲۷ اسد/۱۷ آگست، دوشنبه) «فاکسنیوز» بیلن صحبتیده بوندهی سوزلرنی ایتگن.
ایران اوتگن هفته، اوشبو مهم و استراتیژیک سوو یولینی قیته آچیش مسئلهسیده عمان بیلن مذاکرهلر آلیب بارهیاتگنینی معلوم قیلگن ایدی.
ترامپ شونینگدیک، اونینگ حکومتی ایران اسلام انقلابی قوروقچیلری بیلن بیلواسطه و مخفی علاقه کانالینی آچگنینی ایتگن، بیراق او ماجرانینگ یکونلیشی اوچون شاشیلمهیاتگنینی تأکیدلهگن.
فاکسنیوز گزارشی گه کوره، ترامپ اسلام انقلابی قوروقچیلری حقیده شوندهی دیگن: «اولر یخشی قماربازلر، بیراق اولماقده.»
او ینه: «مینده هیچ قندهی مدت بیلگیلنمهگن. مین شاشیلمهیپمن.» دیه قوشیمچه قیلگن.
