تورکیه جمهور باشلیغی رجب طیب اردوغان، انقره تینچلیککه تهدید قیلینهدیگن حالتده اوروشدن قاچمسلیگینی بیلدیریب، اسرائیلنینگ غزه و لبناندهگی حربی عملیاتلرینی کیسکین تنقید قیلدی.
رجب طیب اردوغان الجزیره بیلن صحبتیده، اسرائیلنی یقین شرقدهگی اوروشلرنینگ «اساسی حرکتلنتیروچی کوچی و اشتراکچیسی» دیب اتهگن. اونینگ تأکیدلشیچه، اسرائیل اوزاق وقت دوامیده حربی یولنی اوستون قوییب کیلگن و بونینگ عاقبتیده منطقهدهگی باشقه دولتلر کتته خرهجتلر گه دوچ کیلگن.
اردوغان، تورکیه گه تینچلیک ایمس، اوروش مقصدیده هجوم قیلینهدیگن بولسه، مملکتی جنگ قیلیشدن ایکیلنمسلیگینی ایتگن.
تورکیه جمهور باشلیغی شونینگدیک، اسرائیلنینگ غزه و لبناندهگی هجوملرینی تنقید قیلگن. اونینگ سوزلریگه کوره، اسرائیل تامانیدن بو حدودلرده تجاوزکار یاندهشوو دوام ایتتیریلماقده. اردوغان غزهدهگی وضعیت حقیده گپیرر ایکن، حماسنینگ «صمیمی بیردملیک» نمایش ایتگنینی، بیراق اسرائیل تامانیدن ایجابی کوزهتیلمهیاتگنینی بیلدیرگن.
اردوغان شونینگدیک، مکه کیلیشووی دایرهسیدهگی تورکیه، سعودی عربستان و پاکستان اورتهسیدهگی اوزارا مدافعه کیلیشووی حقیده گپیریب، اونی ناتو شرطنامهسینینگ بیشینچی مادهسیگه اوخشش میکانیزم صفتیده بهالهگن.
