اسلامی امارت سوزلاوچیسی ذبیحالله مجاهد، اوتگن هفته پنجشنبه، اوز توییتری ده اسلامی امارت لیدری هبتالله آخوندزاده قولیدن بیر حکم ترقهتدی که اونگه اساس، اسلامی امارت مسئوللری و ایشلاوچیلری انتقاد بولیشی و اولرگه حرمتسیزلیک، شرعی نقطهی نظردن ناجائز دیر و متهم تانیلگن کیشیلر جزالنتیریلهدی. هبتالله آخندزاده نینگ حکمی ده کیلیشیچه: «مسئوللرنی بیجا عیبلش و تنقید قیلیش، شرعی نقطهی نظردن ناجائز دیر.»
عینحالده، سلاموطندار بیلن صحبت اوتکزگن مملکت یشاوچیلریدن بیر قطاری نینگ ایتیشلریچه، اسلامی امارت سرپرست حکومتی تامانیدن نقد قیلیش منع قیلینسه انیق «ظلم» دیر. اولر گه کوره، دولت ایشلریدن نقد قیلیش، دولت بیلن دشمنلیک معناسیده ایمس بلکه دولت ایشلری توزهلیشیگه سبب بولهدی.
بیزلرنینگ فیسبوک صحیفهمیزگه باش اورینگ!
باشقه تاماندن، سلاموطندار بیلن صحبت اوتکزگن «خانه ملی» مسئولی سیدیاسین متین نینگ ایتیشیچه، اسلامی امارت حکومتی یا دموکراسی نقد پذیر بولیشی کیرهک، چونکه انتقاد اصلاحات گه سبب بولهدی و جامعه ترقیاتی اصلاحات گه باغلیق دیر.
برچهسی بیلن، افغانستان خبرچیلر فدراسیون عضوی مسرور لطفی گه کوره، اسلامی امارت ایرکین سوز گه چیکلاو یرهتمسلیگی اوچون حقوقی قانون_قاعده نی تصویب قیلیشی لازم. اونینگ ایشانچی گه کوره، اسلامی امارت ییتکیرمهلر نینگ قانونی و ناقانونی تنقیدلرینی انیقلش مقصدیده میدیالر تخطی کمیسیونینی فعال قیلیشی کیرهک.
بیزلرنینگ توییترده هم تعقیب قیلینگ!
اوشبو گزارش گه دایر اسلامی امارت سوزلاوچیسی اورین باسرلری نینگ فکر_ملاحظهسینی اورگهنیشنی ایستهدیک؛ بیراق کیتمه_کیت قونغراقلر بیلن مؤفق بولمهدیک.
ملا هبتالله آخوندزاده نینگ حکمی عینحالده صادر بولگن که بوندن آلدین، هرات گذرگاه مسجدی نینگ خطیبی مجیبالرحمان انصاری، دین عالملری ییغینیده اسلامی امارت حکومتی برابری ده باش کوتارگن کیشی نینگ باشی کیسیلیشینی ایتگن ایدی.