جمهوریت توزومی سونگی ییل‌لریده غزنی شهری نینگ اونملی چهارراهه‌لری‌گه ترافیکی چراغ‌لر قوریلیب و اوشبو ترافیکی چراغ‌لر بیر قنچه وقت‌گچه شهری ترافیک مدیریتی موضوع‌سیدن اَیری شهر نینگ چیرایلیگی‌گه هم سبب بولگن ایدی؛ لیکن اوشبو چراغ‌لر ایکی ییل‌دن بویان فعال بولمه‌ی و توپراقلر آستیده قالیب کیتگن.
غزنی یشاوچیلری مذکور چراغ‌لر نینگ قیته فعال بولیشی و تنظیم بولیشی اوچون مسئول اداره‌لر نینگ برنامه‌سیزلیگی‌دن تنقید‌لب ایتیشلریچه، اوشبو چراغ‌لر نینگ فعال بولمه‌گنی شهر نینگ گوجوم‌لیگی، ترافیکی حادثهلر و هیداوچیلر آرقه‌لی ترافیکی قاعده-قانون نینگ رعایت ایتیلمه‌سلیگی گه سبب بولگن.
غزنی شهری‌ده‌گی هیداوچیلردن اجمل نینگ ایتیشیچه: «قریب ایکی ییل آلدین چراغ‌لر فعال ایدی. چراغ بولگنی‌ده ترافیککه هم ضرورت ایمس. چونکه هر بیر هیداوچی قوریلگن چراغ‌لر اساسیده قانون‌نی مراعات قیله‌دی. لیکن ایکی ییل‌دن بیری چراغ‌لر فعالی ایمس و ایرتنگ تاماندن سرک‌لر بند بوله‌دی و بعضی وقت‌لر ایسه ترافیکی حادثهلر یوز بیره‌دی.»
بیزلرنینگ «ایکس» ترماغی ده هم تعقیب قیلینگ!
شونینگدیک اوشبو شهر یشاوچیلریدن عظمت‌الله نینگ ایتیشیچه: «بو توغریده دولت جدی توجه قیلیشی کیره‌ک. چونکه اهالی ایرتنگ تاماندن ایش گه کیته‌دیلر. یول‌لر بیروبار بوله‌دی. چراغ‌لردن برچه‌سی اوچیریلگن. بولر نینگ فعال قیلیشلری کیره‌ک که ترافیکی حادثه بولمه‌سین و اهالی آرام‌لیک بیلن حیات کیچیرسین.»
باشقه بیر تاماندن، غزنی ولایتی یشاوچیلری شهری نظم و ترافیکی خذمتلر ارائه‌سی نینگ حکومت مسئولیت‌لریدن بیلیب و ایتیشلریچه، مذکور چراغ‌لر نینگ قیته فعال بولیشی شهر نینگ نظم‌لی بولیشی بیلن گوجوم‌لیک آلدینی آلیشی گه سبب بوله‌دی.
غزنی مدنی فعال‌لریدن حشمت‌الله جلالی ترافیکی چراغ‌لر نینگ قیته فعال بولیشی نی ایسته‌ب ایتیشیچه: «ترافیک قیته شو چراغ‌لر نی فعال قیلسین. بو بویوک بیر آسایشته‌لیک دیر. قوریلیشی شهر نینگ چیرایلی بولیشی گه هم سبب بوله‌دی و ینه هم ترافیک و هیداوچیلر اوچون بیر نیاز دیر. ترافیک بیچاره‌لر دود، چنگ، قویاش و یامغیز آستیده قاله‌دی و کوپ قیین‌چیلیک کوره‌دی.»
غزنی عمومی ترافیکی مدیریتی مسئوللری بو قیین‌چیلیک‌لر و یشاوچیلر ایسته‌گی خصوصیده ایتیشلریچه، ترافیکی چراغ‌لر نینگ قیته فعال بولیشی بلدیه مسئولیت‌لریدن دیر.
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، غزنی بلدیه‌سی محمد‌نبی حمزه نینگ سلام‌وطندار بیلن اوتکزگن صحبت‌لریده، اوشبو شهر‌ده ترافیکی چراغ‌لر نینگ قیته فعال بولیشی‌نی بیان قیلیب ایتیشیچه، مذکور چراغ‌لر نینگ قیته قوریلیشی بو اداره نینگ جاری ییل جریانیده‌گی ایش برنامه‌لریده دیر.
بو توغریده جناب حمزه نینگ ایتیشیچه: «انه شوو قویاش ۱۴۰۳-ییل ترافیکی چراغ‌لر اوچون کد بیردیک. بودجه کدی گه آلدیک. ان‌شاءالله ایشلری خلاص بولسین اعلان گه بیره‌میز. شهر و ترافیکی حادثهلر کمه‌یشی اوچون و شهر نینگ نظمی گه هم دلالبت بوله‌دی. بیران مکتوب کیلگنی یوق که بیزلر گه تیگیشلی بولسه. اوزیمیز سوره‌دیک که ترافیکی چراغ‌لر نی قوره‌یلیک می دیب.»
غزنی شهری مملکت نینگ نسبتن جمعیتی کوپ بولگن شهرلریدن سنله‌دی، قدیمی شهری پلان اساسیده قوریلگن سرک‌لری کېنگه‌یتیریلمسلیگی و جمعیتی کوپه‌یشی باعث، افغانستان نینگ باشقه شهرلری گه نسبتن گوجوم شهر گه ایلنگن.
