بغلان محلی مسئوللری و مردمی منبعلرنینگ ایتیش‌لریچه، سابق جهادی قومندان و ۱۰۰ کیشی‌لیک مردمی کوچلر قومندانی ملا علم نینگ مهمانخانه‌سیده یوزبیرگن پارتلش ده، قومندان علم شامل ۱۰ کیشی تن جراحتی کوتارگن.
علم قومندان نینگ کتته اوغلی عارف مطمین بو حادثه نی تصدیق‌لب سلام‌وطندارگه ایتیشیچه، اولر مهمان‌لری و عایله اعضالری بیلن آذیق-آوقت ییه‌دیگن پیتده پارتلش یوزبیرگن.
جناب مطمین نینگ ایتیشیچه، مذکور حادثه‌ده علم قومندان، اونینگ ۲ اوغلی، ۵ قوروقچیسی و ۲ تینچ‌اهالی (مهمان) یره‌لنگن.
بغلان ده حربی لوا قومندانی فریدخان سیدخیلی نینگ ایتیشیچه، مذکور حادثه ۲- پولیس حوزه‌سی نینگ یقیین‌لیگیده یوزبیرگن و بو ماین مذکور قومندان نینگ مهمانخانه‌سیده جایلشتیریلگن ایکن.
شونده‌ی بیرحالده، اوتگن کون شام چاغی بغلان مرکزی پلخمری شهریده بیر هاوان اصابتی باعث ۸ باله یره‌لنگن ایدی.
