روسیه نینگ «آرتی» خبرگزارلیگی روسیه تشقی ایشلر وزیرلیگی‌دن نقل قیلیب گزارش بیرگن که، بوگون توش‌دن آلدین کابل ده روسیه ایلچی‌خانه یقیلیگی‌ده یوز بیرگن پارتلش «خودکش هجوم» نتیجه‌سیده، اوشبو ایش‌خانه نینگ ایکی ایشلاوچیسی هلاک و نیچه کیشی ایسه یره‌لنگن.
مذکور خبرگزارلیک نینگ گزارشی اساسیده، خودکش هجومچی یانیده‌گی پارتلش ماده‌لر نی اوشبو ایلچی‌خانه ایشیگی یقینی‌ده، اهالی توپلگن ییرده پارتلتگن دیر.
بیزلرنینگ فیسبوک صحیفه‌میزگه باش اورینگ!
روسیه تشقی ایشلر وزیرلیگی بیر اعلامیه ترقه‌تیب کابل ده مذکور مملکت ایلچی‌خانه‌سی نینگ ایکی ایشلاوچیسی هلاک بولگنی نی تأیید قیلگن.
شونده‌ی بیرحالده، کابل امنیه قوماندانلیگی سوزلاوچیسی خالد زدران توییتر صحیفه‌سیده یازگن که، مذکور واقعه‌ده بیر تینچ اهالی هلاک و ۱۰ کیشی ایسه یره‌لنگن.
جناب زدران گه کوره، هجومچی ایلچی‌خانه گه ییتیشمس‌دن آلدین، اسلامی امارت کوچلری نینگ هدفی آستیده قرار تاپیب و پارتلش ماده‌سی نی پارتلتگن دیر. حاضرگچه اوشبو واقعه تلفاتی آماری بیللی ایمس.
کابل امنیه قوماندانلیگی سوزلاوچیسی گه کوره، اسلامی امارت کوچلری واقعه محلی نی محاصره قیلیب و اوشبو یول نی اوتیب-قیتیش یوزیگه باغلگن دیر.
بیزلرنینگ توییترده هم تعقیب قیلینگ!
اونینگ کوپه‌یتیریشیچه، اسلامی امارت کوچلری اوشبو واقعه نی تیرگاو قیلماقده‌لر.
حاضرگچه اوشبو واقعه مسئولیتی نی بیرار گروه یا-ده شخص بویینیگه آلمه‌گن.
