بوگون (سه‌شنبه، ۲۸-قوس)، «ده‌دانا، چهل‌ستون، دشت پدوله و سیاه‌سنگ» سرک‌لری، کابل بلدیه‌سی آرقه‌لی قیته قوریلگنی‌دن کیین فایده‌لنیش گه تاپشیریلگن.
کابل بلدیه‌سی مسئوللری نینگ ایتیشلریچه، ۲ کیلومتر اوزون‌لیگی بولگن اوشبو تورت سرک نینگ قیته قوریلیش ایشی، ۸۰ میلیون افغانی خره‌جت کوتارگن.
کابل بلدیه‌سی سوزلاوچیسی نعمت‌الله بارکزی، مذکور سرک‌لر نینگ فایده‌لنیش گه تاپشیریلیش مقصد یولگه قوییلگن برنامه‌ده ایتیشیچه، اوشبو لایحه‌لر نینگ برچه خره‌جتی بلدیه درآمدی‌دن توللنگن.
بیزلرنینگ «ایکس» ترماغی ده هم تعقیب قیلینگ!
جناب بارکزی نینگ کوپه‌یتیریشیچه: «بوگون توپلم شکلده تورت لایحه آچیلدی البته یول‌لر کینگلیگی فرقلی دیر، ۲۰ متر، ۲۴ متر، ۱۷ متر دیر که، عمومی شکلده ۲ کیلومتر‌دن آرتیق سرک پخته بولگن و اونینگ برچه خره‌جتی کابل بلدیه‌سی نینگ ایچکی درآمدی‌دن توللنیلگن.»
شونینگدیک اوشبو برنامه‌ده کابل بلدیه‌سی عبدالرشید بلوچ نینگ ایتیشیچه، اسلام امیر‌لیگی افغانستان ده قیته قوریلیش و یشاوچیلر گه آسایشته‌لیک یره‌تیش اوچون کیچه و کوندوز سعی و حرکت قیله‌دی. اونینگ کوپه‌یتیریشیچه: «ایش و خذمت ارایه قیلیش دوامی‌ده، بوگون ده‌دانا سرکی نی افتتاح قیلدیک که، ده‌دانا دن باشلنیب دارالامان قصری‌گچه دیر. اوشبو سرک نینگ ۶۱۰ متر اوزون‌لیگی و ۲۰ متر کینگلیگی بار که اونینگ ایشی بیتیب و بوگون فایده‌لنیش گه تاپشیریله‌دی.»
کابل بلدیه‌سی نینگ برنامه‌لرنی تنظیم قیلووچی باشلیغی میررحمان ناصری گه کوره، بلدیه مسئوللری کابل شهری نینگ ستندرد شکلده قوریش اوچون سعی و حرکت قیله‌دی.
کابل بلدیه‌سی نینگ برنامه‌لرنی تنظیم قیلووچی باشلیغی نینگ ایتیشیچه، اوشبو شهر نینگ قوریش اوچون ۱۵۰ لایحه خصوصیده ایش نینگ دوامی بار و اولر ارا، ۱۰۰دن آرتیق لایحه تکمیل بولماقده. «بوگون افتتاح بولگن لایحه‌لر گه علاوه، کابل شهری نینگ تورلی منطقه‌لری‌ده ایسه ۱۵۰ اونملی لایحه‌لریمیز بار که، حاضر ایسه ۱۰۰دن آرتیق لایحه تکمیل بولماقده.»
باشقه بیر تامان‌دن، کابل یشاوچیلری اوشبو سرک‌لر نینگ قیته قوریلیشی‌دن خورسند‌لیک قیلیب، کابل بلدیه‌سیدن شهر نینگ پاک‌لیگی خصوصیده اعتبار قره‌تیشلری نی ایسته‌یدیلر.
بیزلرنینگ فیسبوک صحیفه‌میزگه باش اورینگ!
کابل شهری «سیاه‌سنگ» منطقه یشاوچیلریدن حشمت‌الله صدیقی نینگ ایتیشیچه: «مذکور افتتاح بولگن سرک‌لر، اهالی گه کوپینچه آسایشته‌لیک یره‌ته‌دی. بوندن آلدین ترافیکی گوجوم‌لیککه کوپ ایدی، حتا مکتب گه کیته‌دیگن باله‌لر کوپ قیین‌چیلیک بیلن سرک‌دن اوته‌ر ایدیلر.»
شونینگدیک کابل شهری اوشبو منطقه یشاوچیلریدن باشقه بیری محمدیوسف عزیزی نینگ ایتیشیچه: «دوامی بولگن اوشبو سرک توزه‌تیش لایحه‌لر، اهالی گه کوپینچه آسایشته‌لیک یره‌تگن و گوجوم‌لیک هم یوق. وقتی‌ده ایش گه باره‌میز و سرک توزه‌تیلیشی جریانیده ایش زمینه‌سی هم یره‌تیله‌دی و بو مملکت آبادانچیلیگی اوچون بیر امید دیر.»
ایتیش کیره‌ک که، کابل شهری‌ده سرک‌لر نینگ ستندرد‌سیزلیگی و حددن تشقری گوجوم‌لیک، یشاوچیلر نینگ کونده یول‌ده کوپینچه ساعت قالیشی و مقصد‌لری گه کیچراق باریشلری گه سبب بوله‌دی.
