کابل امنیه قوماندانلیگی سوزلاوچیسی خالد زدران نینگ سلام‌وطندار گه ایتیشیچه، اوتگن کون کابل شهری نینگ ۱۷-خوفسیزلیک حوزه اطرافیده جایلشگن مسجد‌ده یوز بیرگن پارتلش‌ده ۲۱ کیشی هلاک و ۳۳ کیشی ایسه یره‌لنگن.
کابل امنیه قوماندانلیگی سوزلاوچیسی نینگ کوپه‌یتیریشیچه، اسلامی امارت خوفسیزلیک کوچلری تیزلیککه اوشبو «بویوک جنایت» عامل‌لری نینگ تانیب و قانون اساسیده جزالنتیریش اوچون سعی و حرکت قیلماقده‌لر.
مذکور پارتلش اوتگن کون (چهارشنبه، ۲۶-اسد) کابل شهری ۱۷-خوفسیزلیک حوزه اطرافیده جایلشگن خیره‌خانه منطقه‌سیده‌گی «صدیقیه» مسجدی‌ده یوز بیرگن.
بیزلرنینگ توییترده هم تعقیب قیلینگ!
اوتگن کیچه الجزیره خبری ترماغی اسلامی امارت مسئولی‌دن نقل قیلیب توییتر صحیفه‌سیده مذکور پارتلش عاقبتیده ۲۰ کیشی نینگ اولگنی و ۴۰ کیشی نینگ یره‌لنگنی نی یازگن ایدی. بیراق محلی منبع‌لر اوشبو پارتلش‌ده اولب کیشی نینگ هلاک بولگنی و یره‌لنگنی نی ایتگنلر.
باشقه بیر تامان‌دن، اوتگن کیچه ایمرجنسی کسل‌خانه‌سی توییتر صحیفه‌سیده یازگن که، مذکور پارتلش نتیجه‌سیده اوشبو کسل‌خانه گه ۲۷ کیشی انتقال تاپگن. مذکور کسل‌خانه نینگ کوپه‌یتیریشیچه، یره‌دارلر آره‌سیده ۵ باله شامل دیر که اولردن بیری ۷ یاشر دیر.
منبع‌لر گه کوره، اوشبو مسجد خطیبی و دین عالم‌لردن بیری مولوی امیر‌محمد کابلی بیلن اوقووچیلری شامل مذکور پارتلش نتیجه‌سیده هلاک بولگلردن دیر. منبع‌لر نینگ کوپه‌یتیریش‌لریچه، اوشبو پارتلش مسجد محرابی‌ده جایلشگن ماین سبب، شام نمازی نی اوقیش چاغیده یوز بیرگن.
مذکور پارتلش کوپینچه عکس‌العمل‌لر بیلن روپه‌ره بوگن. اسلامی امارت سوزلاوچیسی ذبیح‌الله مجاهد توییتر صحیفه‌سیده یازگن که، اسلامی امارت سرپرست حکومتی چهارشنبه کونی کابل شهری نینگ خیرخانه منطقه‌سیده جایلشگن مسجد‌ده یوز بیرگن پارتلش جدی شکلده قاره‌له‌یدی.
بیزلرنینگ فیسبوک صحیفه‌میزگه باش اورینگ!
اسلامی امارت سوزلاوچیسی نینگ ایتیشیچه: «تینچ اهالی نینگ قاتل‌لری و شو رقم جنایت‌لر نینگ عامل‌لری تیزلیککه قولگه آلینیب و جزالنتیریلیش‌لری ممکن.»
سابق جمهور رئیسی حامد کرزی هم اوشبو پارتلش گه قرشی عکس‌العمل کورستیب و مذکور پارتلش نی جدی شکلده قاره‌لگن. اونینگ ایتیشیچه: «اوشبو جنایت بشریت گه قرشی بوتون انسانی ارزش گه قرشی و مملکت و اهالی بیلن بیللی بیر دشمن‌لیک دیر.»
شونینگدیک سابق دولت‌ده ملی مصالحه عالی کینگش رئیسی عبدالله عبدالله، مذکور پارتلش گه قرشی عکس‌العمل کورستیب و اونینگ قاره‌لگن.
مذکور پارتلش مسئولیتی نی حاضرگچه هیچ بیر کیشی یا-ده گروه بوینیگه آلمه‌گن.
