کابل شهری ده «قالین‌بافی افغان‌رگ» ایشخانه‌سیده قریب ۲۰۰ عیال قالین توقیش بیلن مصروف دیر؛ بیرقطاری یونگ ایگیره‌دی، بیرقطاری ایپ اوتکزه‌دی و باشقه بیرقطاری هم اِلمک اوریش بیلن قول‌لری آستیده‌گی قالین‌لر گه نقش و گوزه‌للیک بخیشله‌یدیلر.
اوچ شاگردی بیلن اِلمک اوریش گه مصروف نیکبخت نینگ ایتیشیچه، مناسب درآمد تاپیش اوچون اوشبو ایشخانه گه ایشله‌ماقده دیر.
شو بیلن بیرگه، او مذکورایشخانه ده‌گی درآمدی دن ناراضی‌لیک بیلدیریب ایتیشیچه: «قیینچیلیک کوپ، حوصله قیلیش کیره‌ک چونکه بو گراف دیر و گراف یوزی دن ایشله‌یدیلر، قالین‌لریمیز مرینوس و میین توقیله‌دی، شو قالین بیر آی گچه توقیلیشی ممکن و درآمدی آز دیر.»
بیزلرنینگ فیسبوک صحیفه‌میزگه باش اورینگ!
مذکور ایشخانه ده قالین توقووچیلردن گل‌بی‌‌بی گه کوره، ایش کوپ‌لیگی سبب قول‌لری چرچب و آبله قیلگن؛ بیراق کونده‌لیک درآمدی حتا ۱۰ افغانی هم ایمس دیر.
او نینگ کوپه‌یتیریشیچه: «کونده‌لیک درآمدیمیز حتا ۱۰ افغانی هم ایمس ایشلش گه مجبور میز، هر بیر قالین دن ۱۵۰۰ و بیرمینگ بیزگه بیریله‌دی، بیر قالین توقیلیب خلاص بولسه اوشنچه‌لیک حق بیز گه بیریله‌دی. باله_چقه‌لاق‌لیک من، قالین توقیش جوده هم قیین دیر، قوللریم آبله قیلگن.»
شو بیلن بیرگه، «قالین‌بافی افغان‌رگ» ایشخانه اساسچیسی محمدنعیم ولی‌زاده گه کوره، اوشبو ایشخانه نی قوریش دن اساسی مقصدی عیاللر گه ایش زمینه‌سینی یره‌تیش بولگن و حاضر مذکور ایشخانه چتری آستیده قریب اوچ مینگ ۵۰۰ عیال قولین توقیش ایشی بیلن مصروف دیر.
او نینگ ایتیشیچه: «ایکی بولیم ده تولید قیله‌میز، بیری ایپ ایگیریش و باشقه قالین توقیش دیر. قالین توقیش بولیمیده ایشخانه ده ۷۰ عیال بیز بیلن همکارلیک قیله‌دی و تشقری ده ۲۵۰ دستگاه‌میز بار و هر دستگاه ده ۴ و ۵ کیشی ایشله‌یدی. ایپ ایگیریش بولیمیده ایشخانه ایچیده ۸۵ عیال و تشقری ده ۲۵۰۰ عیال همکارلیک قیله‌دیلر.»
جناب ولی‌زاده نینگ کوپه‌یتیریشیچه، افغانستان ده قالین توقیش صناعتی رواجلنیشی بیلن اولر خام ماده تنقیص‌لیگیگه دوچ بولیشگن.
بیزلرنینگ توییترده هم تعقیب قیلینگ!
عین‌حالده، عیاللر سوداگرلیک اتاق‌لری بورد هیئت عضوی پشتون امیری نینگ ایتیشیچه، افغانستان ده قریب ۸۰ فایز قالین توقووچیلر عیاللر دیر و اولر تورلی خیل قیینچیلیک بیلن روپه‌ره‌لر.
پشتون امیری گه کوره: «افغانستان ده ۷۰ و ۸۰ فایز قالین توقووچیلر عیاللر دیر، باشقه ولایت‌لردن ملَکه‌لی قالین توقووچیلریمیز بار، کوپ سانده قالین توقووچیلر قوشنی اولکه‌لر اینیقسه پاکستان گه باریب و قالین توقیش ایشی بیلن مصروف دیر، پاکستان افغان عیاللری توقیگن قالین‌لرنی اوز آتیده خارج گه صادر قیله‌دی.»
افغانستان ده سابق ییل‌لردن بیری قالین توقیش صناعتی رواج دیر و حاضرگی کونده کمبغللیک و عیاللر گه یره‌تیلگن چیکلاولر باعث، اولردن قطاری قالین توقیش گه یوز کیلتیرگنلر.
