بدخشان‌ده محلی ایکی خبرچی ناظم قاسمی و باعث حکیمی، مذکور ولایت مرکزی فیض‌آباد شهریده شخصی هزینه‌لری بیلن عیاللر گه خاص بیر تیکووچیلیک ایش‌خانه ایجاد قیلگنلر. اوشبو ایکی ایرکک خبرچی، هیچ بیر توسیق‌لیک بولمسدن عیاللر ایشلری گه دوام بیریشلری اوچون بو ایش‌خانه نینگ ایچکی مسئولیتی نی عیاللر گه بیرگن.
باعث حکیمی نینگ ایتیشیچه، سونگی اوزگریشلریدن کیین، اوزین بیر زمان‌ده عیاللر ایش و فعالیتلری نی انجام بیره‌آلمه‌دیلر و اولر عیاللر نینگ جماعه‌ده ایش و فعالیتلری گه قیته باریشلری اوچون امیدوارلیک بیریش مقصدیده مذکور ایش‌خانه نی ایجاد قیلگن.
بیزلرنینگ فیسبوک صحیفه‌میزگه باش اورینگ!
مذکور خبرچی نینگ ایتیشیچه، عیال‌لرگه خاص تیکووچیلیک ایش‌خانه نینگ ایجادی‌دن مقصد، اخلاقی فساد نینگ آلدینی آلیش، عیاللر گه ایش زمینه‌سی فراهم بولیش و اولر نینگ جماعه‌ده فعالیتلری اوچون تشویق بولیش دیگن.
اونگه کوره، اوشبو ایش‌خانه‌ده ۱۰دن آرتیق عیال گه ایش زمینه‌سی یره‌تیلگن که بو آره‌ده اولردن اوچ ته‌سی استاد و باشقه قالگن عیاللر ایسه بو ییرده تیکووچیلیک مهارتلری نی اورگنه‌دیلر.
باعث حکیمی نینگ کوپه‌یتیریشیچه، عیاللر بو ایش‌خانه‌ده مشتریلر اوچون افغانی، تاجکی، عربی، اروپایی کییم‌لر تیار قیله‌دیلر.
بیزلرنینگ توییترده هم تعقیب قیلینگ!
مذکور ایش‌خانه مسئوللریدن باشقه بیری ناظم قاسمی نینگ ایتیشیچه، اولر اوشبو ولایت‌ده عیاللر گه اورگتیش و ایش زمینه‌سی نی فراهم قیلیش اوچون بو ایش‌خانه نی ۸۰ مینگ افغانی خره‌جت بیلن ایجاد قیلگنلر.
باشقه بیر تاماندن، اوشبو ایش‌خانه‌ده ایش قیله‌دیگن عیاللردن قطاری، مسئوللردن خورسند‌لیک بیلدیریب ایتیش‌لریچه، اولر نیچه آیدن کیین، قیته ایش قیلیش گه باشله‌گنلر.
مذکور عیاللر افغانستان اسلامی امارت رهبرلریدن اوشبو ولایت عیاللری گه نیازلری بولگن بولیم‌لرده ایش زمینه‌سی نی فراهم قیلیشلری نی سوره‌گن.
