بدخشان نینگ چیگره تومن‌لر یشاوچیلری اوچون بیر قطار قیین‌چیلیک‌لر یانیده، درمانی مرکزلر یوق‌لیگی و دارو کم‌لیگی، اولر نینگ قیین‌چی‌لیکلری نی کوپه‌یتیرگن دیر.
بدخشان نینگ اشکاشم و زیباک تومن‌لری یشاوچیلریدن قطاری نینگ ایتیش‌لریچه، درمانی مرکزلر و دارو گه قول تاپه آلمه‌یش، اولر نی کوپینچه قیین‌چیلیک بیلن روپه‌ره قیلگن.
مذکور ایکی تومن یشاوچیلری گه کوره، وضعیت‌لری یامان بولگن کسل‌لردن قطاری درمانی مرکزلر و دارو گه قول تاپه آلمه‌یشلری سبب، هلاک بوله‌دیلر.
بیزلرنینگ توییترده هم تعقیب قیلینگ!
بدخشان نینگ زیباک تومنی یشاوچیسی محمد‌اکرم نینگ ایتیشیچه: «بیرینچی‌ده کلینیکی‌میز یوق؛ کسل بولگن کیشی‌لردن قطاری‌ده هم پولی یوق، بو ییردن تومن‌گچه تورت ساعت یول بار. درمان بولیش اوچون او ییر گه بارگنی‌میز پیتده، پولی بولگن کیشی درمان بوله‌دی و پولی بولمه‌گن کیشی هم او ییرده اوله‌دی و اونینگ وضعیتی‌دن هیچ کیم خبر هم بولمه‌یدی.»
شونده‌ی بیرحالده، اسلام امیر‌لیگی عامه ساغلیق وزیرلیگی مسئوللری بدخشان نینگ چیگره بولیم‌لری یشاوچیلری گه درمانی خذمت‌لر نی ارایه قیلیش اوچون سعی و حرکت‌لر نینگ دوامی خصوصیده ایشانچ بیرگنلر.
بیزلرنینگ فیسبوک صحیفه‌میزگه باش اورینگ!
مذکور وزیرلیک سوزلاوچیسی شرافت زمان نینگ ایتیشیچه: «بدخشان نینگ پامیر تومن‌لری گه قیلگنی‌میز سفر جریانی‌ده، منطقه و اهالی قیین‌چیلیگی و ساغلیق خذمت‌لر ارایه‌سی نی یقین‌دن باریب کوردیک. قیین‌چیلیک‌لر نی یادداشت قیلدیک و اوشبو قیین‌چیلیک‌لر نینگ حل بولیشی ممکن. حاضر ایسه آلتی آی‌گچه مذکور منطقه‌لر گه قیش موسومی اوچون دارو یوباریله‌دی و کیله‌جک‌ده هم، اولر نینگ سعی و حرکت‌لری دوام قیلیشی ممکن.»
افغانستان نینگ شمال‌شرقی‌ده جایلشگن بدخشان، ساووق و محروم ولایت‌لردن بیری دیر که، چیگره بولیم یشاوچیلری ییل‌لردن بیری، نیازلری بولگن تعلیمی و درمانی خذمت‌لر گه قول تاپه آلمه‌گنلر.
