پاکستان تشقی ایشلر وزیری شاهمحمود قریشی نینگ ایتیشیچه، مملکتی دیورند چیزیغیده دیوار تارتیش موضوعی نی اسلامی امارت رسمیلری بیلن تعامل قیلیش و دیپلماتیک یولدن حل قیلیش اوچون، سعی و حرکت قیلهدی.
او پاکستان ده خبری بیر ییغینده، بو مملکت منفعتلرینی سقلش و ایکی مملکت آرهسیده بیر تامانلمه دیوار تارتیش گه دوام بیریشی اوستیگه اورغولهگن.
پاکستان تشقی ایشلر وزیری نینگ کوپهیتیریشیچه: «اسلامی امارت بیلن تعامل قیلماقدهمیز و چیققن قیینچیلیکلرنی دیپلماتیک یول آرقلی حل قیلیش گه قادر بولیشیمیز کیرهک.»
اونگه کوره، قطار کیشیلر اوشبو موضوع نی کتته قیلیب و وضعیتدن یمان فایدهلنیش نیتیده دیر. بیراق قریشی نینگ اورغولشیچه، مذکور موضوع ده شراندازلیک پاکستان فایدهسی گه ایمس و بو مملکت اوز منفتلرینی سقلهشی ممکن.
بیزلرنینگ فیسبوک صحیفهمیزگه باش اورینگ!
مذکور بیانات مطرح بولگن بیرحالده، سونگی هفتهلرده اسلامی امارت چیگره کوچلری پاکستان کوچلری نینگ دیورند چیگرهسیده آلغه باریشی و اوشبو چیگره یقیینلیگیده پاکستان حربیلری تامانیدن ینگی تأسیسات ایجاد ایتیلیشی نی آلدینی آلگن ایدیلر.
اسلامی امارت رسمیلری حاضرگچه بو بیانات گه عکسالعمل کورستمهگن، بیراق بوندن آلدین اسلامی امارت مدافعه وزیرلیگی سوزلاوچیسی دیورند چیزیغیده پاکستان نینگ دیوار تارتیش پروژهسیدن تنقید قیلیب و ایتگن ایدی که، پاکستان چیگره نینگ ایکی تامانیدهگی قوملرنینگ جدا قیلیش گه حقی یوق.
دیورند چیزیغی ده پاکستان حربیلری تامانیدن دیوار تارتیش میلادی ۲۰۱۷- ییل ده باشلهنیب و مذکور مملکت رسمیلری نینگ بیاناتی اساسیده مذکور پروژه نینگ ۹۰ فایز ایشی تکمیل بولگن. بیراق بو موضوع افغانستان و پاکستان رسمیلری آرهسیده جنجل چیقاریب کیلگن موضوعلردن بیری دیر.